سوشل میڈیا پر ایسے کئی لوگوں کی خبریں وائرل ہوتی ہیں جن کے بارے میں مشہور ہوتا ہے کہ وہ کئی سالوں سے بغیر کچھ کھائے زندگی گزار رہے ہیں اور صرف پانی پر گزارہ کر رہے ہیں۔
ایک خاتون کے بارے میں آپ کو بتانے جا رہے ہیں جن کا دعویٰ ہے وہ 50 سالوں سے صرف سافٹ ڈرنکس اور پانی پر زندہ ہیں۔
میڈیا رپورٹس کے مطابق ویتنام کی رہائشی 75 سالہ خاتون نے 50 برسوں میں کوئی کھانا نہیں کھایا بلکہ صرف پانی اور میٹھے مشروبات پر زندہ ہیں۔
ویتنام کے صوبہ کوانگ بن میں Loc Ninh کمیون سے تعلق رکھنے والی محترمہ بوئی تھی لوئی اپنی عمر کے لحاظ صحت مند زندگی گزار رہی ہیں جس کی وجہ سے ان کی خوراک جان کر زیادہ حیرانی ہوتی ہے۔
بزرگ خاتون نے اپنے حوالے سے بتایا کہ وہ نصف صدی سے پانی اور سافٹ ڈرنکس پی کر زندہ ہیں اور وہ کبھی ٹھوس کھانے کی خواہش نہیں کرتیں۔
انہوں نے بتایا کہ یہ سب 1963 میں اس وقت شروع ہوا جب وہ اور دوسری خواتین جنگ کے دوران زخمی ہونے والے فوجیوں کے علاج کے لیے پہاڑ پر چڑھ رہی تھیں۔ وہ بے ہوش ہو گئی تھیں، مگر معجزاتی طور پر وہ بچ گئیں لیکن اس کے بعد وہ پہلے جیسی نہیں رہیں۔
ہوش میں آنے کے بعد کئی دنوں تک انہوں نے کچھ نہیں کھایا۔ ان کے دوستوں نے اس دوران انہیں صرف میٹھا پانی دینا شروع کردیا۔