آسٹریلیا نے دفاعی ٹیکنالوجی، سیاستدانوں اور ہوائی اڈوں کی سکیورٹی کو نشانہ بنانے کے الزام میں بھارت کے 4 جاسوس ملک بدر کر دیئے۔
جاسوسوں کی تازہ بے دخلی کو آسٹریلیا میں بھی مودی سرکار کے لیے زبردست دھچکا قرار دیا جا رہا ہے ، 4 جاسوسوں کی بے دخلی کا انکشاف آسٹریلین براڈ کاسٹنگ کارپوریشن نے اپنی تحقیقات میں کیا۔
سعودی عرب ، اسلام مخالف مواد شائع کرنے پر بھارتی جاسوس بلاگر گرفتار
آسٹریلیا میں بھارتی نیٹ ورک بے نقاب ہونے کی اولین خبریں اپریل میں آئی تھیں جب واشنگٹن پوسٹ نے بتایا تھا کہ 2 بھارتی جاسوس نکال دیئے گئے ہیں۔
کینیڈا اور امریکہ میں بھی بھارت کی جاسوسی سرگرمیاں بے نقاب ہ وچکی ہیں۔ بھارتی خفیہ ادارے ”را“ کی طرف سے جاسوسی کا نیٹ ورک قائم کرنے کا بنیادی مقصد بیرونِ ملک مقیم بھارتی باشندوں پر نظر رکھنا اور اختلافِ رائے کو دھمکانا تھا۔
ایران اور افغانستان کے درمیان پہاڑی علاقے سے 3 اسرائیلی جاسوس گرفتار
2021 میں آسٹریلوی انٹیلی جنس کے سربراہ مائیک برجیس نے ہندوستان کا نام لیے بغیر “جاسوسوں کے نیٹ ورک” کا پتہ لگایا تھا اور سفارتکاروں کے بھیس میں کام کرنے والے جاسوسوں کو بے نقاب کیا تھا۔
برجیس نے تصدیق کی کہ خود کو بظاہر سفارتکار ظاہر کرنیوالے جاسوسوں نے سیاستدانوں اور ریاستی پولیس کے ساتھ تعلقات استوار کیے اور ہوائی اڈے کی سیکیورٹی کے بارے میں خفیہ معلومات طلب کیں۔