امریکی صدر کے اقدام کے بعد کینیڈا نے امریکی گاڑیوں کی درآمدات پر 25 فیصد ٹیرف عائد کرنے کا اعلان کر دیا ہے۔
کینیڈین وزیراعظم مارک کارنی نے کہا ہے کہ ٹرمپ کی تجارتی پالیسی دنیا کو معاشی بحران کی طرف دھکیل رہی ہے، اور یہ عالمی معیشت کے لیے خطرناک ثابت ہو سکتی ہے۔
ان کا کہنا تھا کہ ٹرمپ کی تجارتی جنگ عالمی معیشت کو تباہ کردے گی۔ دوسری جانب آئی ایم ایف کی سربراہ نے امریکی ٹیرف کو عالمی معیشت کے لیے بڑا خطرہ قرار دیا ہے۔
جنوبی کوریا کی آئینی عدالت نے صدر یون سوک یول کو عہدے سے ہٹا دیا
واضح رہے کہ ٹیرف کے بعد ڈالر کمزور ہوا ہے اور امریکی اسٹاک مارکیٹ میں 2020 کے بعد سب سے بڑی کمی دیکھنے میں آئی ہے، ایس اینڈ پی 500 اور ڈاؤ جونز میں جون 2020 کے بعد سب سے بڑی یومیہ کمی ریکارڈ کی گئی۔
نیسڈیک 5.97 فیصد گر کر مارچ 2020 کے بعد سب سے بڑی یومیہ کمی پر بند ہوا، خبر ایجنسی کے مطابق ایس اینڈ پی 500 کمپنیوں کی مشترکہ مارکیٹ ویلیو 24 سو ارب ڈالر کم ہو گئی۔