نیوزی لینڈ نے تیسرے اور آخری ون ڈے میں پاکستان کو شکست دے کر سیریز میں وائٹ واش کر دیا۔
پاکستان کی جانب سے ہدف کے تعاقب میں عبداللہ شفیق اور امام الحق بیٹنگ کیلئے آئے، امام الحق ایک رنز بنا کر ریٹائرہرٹ ہو گئے، 73 کے مجموعی اسکور پر پاکستان کی پہلی وکٹ عبداللہ شفیق کی گری، عبداللہ شفیق 56 گیندوں پر 33 رنز بنا کر آئوٹ ہوئے۔
پاکستان کی دوسرا کھلاڑی 97 رن پر آئوٹ ہوا، عثمان خان 17 گیندوں پر 12 رنز بنا کر محمد عباس کی گیند پر بریسویل کے ہاتھوں کیچ آئوٹ ہوئے۔ پاکستان کی تیسری وکٹ 108 رنز پر گری، بابراعظم 50 رنز بنا کر مچل کی گیند پر سائفرٹ کے ہاتھوں کیچ آئوٹ ہو کر پویلین لوٹ گئے۔
نیوزی لینڈ کی پہلی وکٹ 13 سکور پر گری، نک کیلی 3 رن بنا کر نسیم شاہ کی گیند پرعبداللہ شفیق کے ہاتھوں کیچ آؤٹ ہوئے۔ پاکستان کی چوتھی وکٹ سلمان علی آغا کی گری انہوں نے 11 رنز بنائے۔ سلمان آغا 11 ، محمد رضوان 37 جبکہ فہیم اشرف تین رنز بنا کر آئوٹ ہوئے۔ پاکستان کی ساتویں وکٹ نسیم شاہ کی گری انہوں نے 17 رنز بنائے۔
محمد وسیم بغیر کوئی رنز بنائے سیئرز کی گیند پر کیچ آئوٹ ہوئے، پاکستان کی نویں وکٹ طیب طاہر کی گری انہوں نے 33 رنز بنائے، سفیان مقیم دو رنز بنا کر آئوٹ ہوئے، پاکستان کی پوری ٹیم چالیس اوورز میں 221 رنز بنا کر آئوٹ ہوگئی، پاکستان کو آخری میچ میں 43 رنز سے شکست کا سامنا کرنا پڑا،
مقررہ 42 اوورز میں نیوزی لینڈ نے 8 وکٹوں پر 264 رنز بنائے، کپتان مائیکل بریسویل 59 رنز بنا کر نمایاں رہے۔ ان کے علاوہ ماریو نے 58 رنز بنائے۔ ڈیرل مچل 43 اور ہینری نکلز 31 رنز بنا سکے۔پاکستان کی جانب سے عاکف جاوید نے 4 ، نسیم شاہ نے 2، فہیم اشرف اور سفیان مقیم نے ایک ایک کھلاڑی کو آؤٹ کیا۔
پی ایس ایل 10 کے میچز کی وجہ سے لاہور میں اسکولز کے اوقات کار تبدیل
کپتان محمد رضوان نے ٹاس جیت کر پہلے فیلڈنگ کا فیصلہ کیا تھا، بارش کے باعث گراؤنڈ کی آؤٹ فیلڈ گیلی ہونے کے باعث تیسرےاورآخری ون ڈے میچ کو 42،42 اوورتک محدود کردیا گیا۔
پاکستان ٹیم میں عبداللہ شفیق،امام الحق،بابراعظم،محمدرضوا ن، سلمان علی آغا، طیب طاہر، فہیم اشرف، محمد وسیم جونیئر، سفیان مقیم اورعاکف جاوید ٹیم کاحصہ ہیں جبکہ حارث رؤف کی جگہ نسیم شاہ شامل ہیں۔
نیوزی لینڈ کی پلیئنگ الیون میں نک کیلی، رائس ماریو، ہینری نکولس، ڈیرل مچل، ٹم سائفرٹ، مائیکل بریسول، محمدعباس، مچل، جیکب ڈفی، بین سیئرزاورول اورورک ٹیم کا حصہ جبکہ ٹم سائفرٹ کونیتھن اسمتھ کی جگہ شامل کیا گیا ہے۔
خیال رہے کہ پاکستان اور نیوزی لینڈ کے درمیان تین میچوں کی سیریزمیزبان نیوزی لینڈ کو پہلے ہی دو صفر کی برتری حاصل ہے۔