News Search
Home News Dictionary TV Channels Names Weather Live Cricket Videos Photos Results Naats
Home Taza Tareen
افغان فورسز کی چمن میں بلااشتعال فائرنگ، 1 شہری شہید، 18 افراد زخمی     چمن بارڈر پر افغان فورسز کی فائرنگ، 4 ایف سی جوان زخمی، آئی ایس پی آر     راجن پور: تھانہ محمد پور کی حدود میں فائرنگ،4افراد جاں بحق 1زخمی     وزیراعظم کا ویژن پاکستان کو لوڈ شیڈنگ فری بنانا ہے، عابد شیرعلی     آخری دن میزبان بولنگ کا ہمارے پاس جواب نہ تھا، مصباح الحق     بارباڈوس:ویسٹ انڈیزکےہاتھوں پاکستان کوعبرتناک شکست     سرحد پار سے مردم شماری ٹیم پر فائرنگ، چمن سرحد بند     ’مکی‘ اور ’منی‘ حقیقی زندگی میں میاں بیوی تھے     پاناما کیس، سپریم کورٹ کا آج ہی جے آئی ٹی تشکیل دینے کا فیصلہ     پنجاب: مختلف اضلاع میں سرچ آپریشن، 41 افراد گرفتار     
Urdu News
Maulana Tariq Jamil
a
Naat Khawan
Amjad Sabri Farhan Ali Qadri
Fasih Uddin Soharwardi Ghulam Mustafa Qadri
Imran sheikh Attari Junaid Jamshed
Owais Raza Qadri Shahbaz Qamar Faridi
Syed Mohammad Furqan Qadri Ummeh Habiba
Waheed Zafar Qasmi Zulfiqar Ali
UrduWire Names Directory
Muslim Names Arabic Names
Muslim Boy Names Muslim Girl Names
Pictures Gallery
Cleaning The Kaaba Area - One Of The Best Jobs In The World Cleaning The Kaaba Area - One Of The Best Jobs In The World
Kallar Kahar beautiful Motorway road view, Pakistan Kallar Kahar beautiful Motorway road view, Pakistan
Samzu Water Park Pictures Ticket Price 2015 & Location in Karachi Samzu Water Park Pictures Ticket Price 2015 & Location in Karachi
View all Pictures

 

Home >> Urdu News >> BBC Urdu
پاکستان کی خبریں Share your views
’مشترکہ تحقیقاتی کمیٹی تشکیل سے قبل ہی مسترد‘ [بی بی سی اردو] 21 Apr, 2017
سپریم کورٹ آف پاکستان

سپریم کورٹ نے پاناما مقدمے کا فیصلہ جمعرات کو سنایا

پاناما مقدمے کے فیصلے میں سپریم کورٹ نے جو مشترکہ تحقیقاتی ٹیم بنانے کا حکم دیا ہے وہ وجود میں آنے سے قبل ہی متنازع ہو گئی ہے اور پاکستان کی بڑی سیاسی جماعتوں نے اس کو یک زبان ہو کر رد کر دیا ہے۔

پاکستان کی حزب اختلاف کی جماعتوں نے پاناما کیس میں جوائنٹ انویسٹیگیشن ٹیم (جے آئی ٹی) کی تشکیل کو مشترکہ طور پر رد کرتے ہوئے کہا ہے کہ 'جے آئی ٹی بنانی ہے تو سپریم کورٹ کے تین ججوں یا ہائی کورٹ کے چاروں ججوں کی جے آئی ٹی بنائی جائے'۔

’پاناما ون ختم، پاناما ٹو شروع ہو گیا ہے‘

پارلیمان میں ہنگامہ اور واک آؤٹ، پی ٹی آئی پھر سڑکوں پر

جے آئی ٹی کی تشکیل کو مسترد کرنے کا فیصلہ جمعہ کو پارلیمنٹ میں اپوزیشن جماعتوں کے اجلاس میں کیا گیا جس کی صدارت قومی اسمبلی میں قائد حزب اختلاف خورشید شاہ اور سینیٹ میں قائد حزب اختلاف اعتزاز احسن نے کی۔

اپوزیشن کے مشترکہ اجلاس کے بعد عمران خان نے پارلیمنٹ کے باہر میڈیا سے بات کرتے ہوئے کہا کہ سرکاری ادارے کیسے وزیر اعظم کے خلاف کارروائی کریں گے۔

'سپریم کورٹ نے فیصلے میں جے آئی ٹی بنانے کا حکم دیا ہے۔ میں سوال کرتا ہوں کہ ایک طرف سپریم کورٹ پہلے کہہ چکی ہے کہ پاکستان میں انصاف کے ادارے مفلوج ہو چکے ہیں، ان کو وزیر اعظم کنٹرول کرتا ہے اور یہ وزیراعظم کے خلاف کارروائی نہیں کرتے۔'

انھوں نے مزید کہا کہ اگر ان اداروں نے کام کرنا ہوتا تو اب تک وزیر اعظم کے خلاف کارروائی کر چکے ہوتے۔

قومی اسمبلی میں قائد حزب اختلاف خورشید شاہ نے میڈیا سے بات کرتے ہوئے کہا کہ دو ججوں نے وزیر اعظم کو نااہل قرار دینے کی تجویز دی جبکہ تین نے ان دو ججوں سے متفق نہیں کیا اور ایک چیز ڈال دی جو جے آئی ٹی ہے۔

انھوں نے کہا کہ وہ اس جے آئی ٹی سے متفق نہیں ہیں کیونکہ جس قسم کی جے آئی ٹی بنائی ہے وہ 'ہمارے لیے شرم کی بات ہے'۔

'تین مہینوں تک سپریم کورٹ نے ایف آئی اے اور نیب سمیت دیگر اداروں کو تہس نہس کیا اور برا بھلا کہا۔ اور بعد میں 19 گریڈ کے افسر کو کہا گیا کہ اپنے مالک کی اور جس سے تنخواہ لیتے ہو ان کی تحقیقات کرو۔ خدا کو مانو یہ کون سی انویسٹی گیشن ہو گی۔'

انھوں نے مزید کہا کہ بڑے افسوس کے ساتھ کہنا پڑ رہا ہے کہ انھیں یہ جے آئی ٹی قبول نہیں ہے۔ 'جے آئی ٹی بنانی ہے تو سپریم کورٹ کے تین ججوں یا ہائی کورٹ کے چاروں چیف جسٹس صاحبان پر مشتمل جے آئی ٹی بنائی جائے'۔

سینیٹ میں قائد حزب اختلاف اعتزاز احسن نے کہا کہ ایف آئی اے کا ایڈیشنل ڈائریکٹر کیا تفتیش کرے گا وہ تو وزیر داخلہ چوہدری نثار کے ماتحت ہے۔

ان کا کہنا تھا کہ سٹیٹ بینک آف پاکستان کا گورنر ایک رکن نامزد کرے گا۔ 'وہ کیا نامزد کرے گا گورنر سٹیٹ بینک کا گورنر تو شریف خاندان کے گھرانے کا ایک فرد ہے۔ ایس ای سی پی کا چیئرمین ان کا اپنا لگایا ہوا ہے۔ آئی ایس آئی کے ساتھ ان کا تعلق خاندانی ہے۔ 19 اور 20 گریڈ کے افسران وزیر اعظم اور ان کے خاندان کی کیا تحقیقات کری گے۔ ہم اس جے آئی ٹی کو مسترد کرتے ہیں۔'

جماعت اسلامی کے امیر سراج الحق کا کہنا تھا کہ 'ہمارا اور مشترکہ اپوزیشن کا مطالبہ ہے کہ معاملے کی آزادانہ تحقیقات کے لیے نواز شریف استعفیٰ دیں، اخلاقی تقاضا ہے کہ وہ استعفیٰ دیں، کیونکہ اگر وہ اس بڑے عہدے پر رہتے ہیں تو تحقیقات کیسے ہوں گی؟'

سربراہ عوامی مسلم لیگ شیخ رشید نے بھی پارلیمنٹ ہاؤس کے باہر میڈیا سے گفتگو کی اور کہا کہ تمام جماعتیں حکومت کے خلاف گرینڈ الائنس بنائیں۔


View News As Image
Post Your Comments
Select Language:    
Type your Comments / Review in the space below.

Name: Email:(Will not be shown) City:
Enter The Code:

 
Home | About Us | Contact Us |  Profiles |  Privacy Policy & Disclaimer | What is Meta News?
Top Searches: Jang News Cricinfo Express Tribune,  , SSC Part 1 Results 2016   Dunya News Bol News Live Samaa News Live Metro 1 News Waqt News Hum TV PTV Sports Live KTN News
Disclaimer: Urduwire.com is only the source of Urdu Meta News (type of Google News) and display news on "as it is" based from leading Urdu news web based sources. If you are a general user or webmaster, and want to know how it works? Please read more!

UrduWire.com - First ever Urdu Meta News portal