پاکستان سپر لیگ فائیو میں آج منگل کو لاہور قلندرز اور پشاور زلمی کے درمیان اہم میچ لاہور کے قذافی سٹیڈیم میں کھیلا جا رہا ہے۔اس وقت پشاور زلمی کی بیٹنگ جاری ہے، گریگری اور حیدر علی کریز پر موجود ہیں۔شعیب ملک آؤٹ ہونے والے چوتھے کھلاڑی تھے جو 62 رنز بنانے کے بعد کیچ آؤٹ ہوئے۔ زلمی نے 15 اوورز میں تین وکٹوں کے نقصان پر 139 رنز بنائے ہیں۔ زلمی کی جانب سے کامران اکمل اور ٹام بینٹن نے اننگز کا آغاز کیا تاہم ایک کے مجموعی سکور پر ٹام بینٹن بغیر کوئی رن بنائے شاہین شاہ آفریدی کی بال پر محمد حفیظ کے ہاتھوں کیچ آؤٹ ہوگئے۔اس کے بعد 10 سکور پر صرف چار رنز بنانے کے بعد لیونگ سٹون بھی پویلین لوٹ گئے۔ فخر زمان نے سیمت پٹیل کی بال پر ان کا کیچ لیا۔کامران اکمل بھی زیادہ دیر وکٹ پر نہ ٹھہر سکے اور صرف 12 رنز بنا کر سیمت پٹیل کا شکار بنے۔ وہاب ریاض نے ان کا کیچ لیا۔ اس وقت ٹیم کا مجموعی سکور 24 تھا۔مزید پڑھیں
ڈیرن سیمی پشاور زلمی کے ہیڈ کوچ مقرر
Node ID: 463171
سلطانز اور کراچی کنگز کا میچ بارش کی نذر
Node ID: 463336
پی ایس ایل فائیو کے ٹاپ پرفارمرز
Node ID: 463396اس سے قبل لاہور قلندرز کے کپتان سہیل اختر نے ٹاس جیت کر پشاور زلمی کو بیٹنگ کی دعوت دی۔اس میچ میں فتح حاصل کرنے والی ٹیم کے پلے آف تک رسائی کے امکانات روشن ہوجائیں گے۔اس سے قبل ایونٹ میں دونوں ٹیموں کے درمیان کھیلا گیا میچ بارش سے متاثر ہو گیا تھا جس کے باعث میچ کی ایک اننگز کو نو اوورز تک محدود کر دیا گیا تھا۔بارش سے متاثرہ اس میچ میں پشاور زلمی نے لاہور قلندرز کو باآسانی نو وکٹوں سے شکست دی تھی۔پشاور زلمی کی ٹیم نے اب تک آٹھ میچز میں سے چار جیت کر نو پوائنٹس حاصل کر رکھے ہیں۔لاہور قلندرز سات میں سے صرف تین میچز جیت سکے ہیں اور ان کے پانچ پوائنٹس ہیں۔پاکستان سپر لیگ کے پوائنٹس ٹیبل پر ملتان سلطانز کی ٹیم بدستور سرفہرست ہے جس نے سات میں سے پانچ میچوں میں کامیابی حاصل کی ہے اور اس کے 11پوائنٹس ہیں۔The stage is set for another home chase at the Gaddafi tonight. Here are the teams as @lahoreqalandars will be fielding first. #LQvPZ #HBLPSLV pic.twitter.com/jEQTVjCHiM
— PakistanSuperLeague (@thePSLt20) March 10, 2020
ملتان پی ایس ایل فائیو کے پلے آف مرحلے کے لیے کوالیفائی کرنے والی پہلی ٹیم ہے۔اسلام آباد یونائیٹڈ کے نو میچوں میں سے تین جیت کر سات پوائنٹس ہیں جب کہ کراچی کنگز کے سات میچوں میں سے تین جیت کر سات پوائنٹس ہیں۔