کوہلی 22 ہزار رنز مکمل کرنے والے آٹھویں کھلاڑی بن گئے

اردو نیوز  |  Nov 29, 2020

آسٹریلیا اور انڈیا کے درمیان جاری سیریز کے دوسرے ون ڈے میں انڈین کرکٹ ٹیم کے کپتان ویراٹ کوہلی نے اپنے ون ڈے کیریئر کی 59 ویں نصف سنچری بنالی اور 87  گیندوں پر 89 رنز کی اننگ کھیلی۔

صرف 11 رنز کی دوری سے کوہلی اپنی 44 ویں سنچری سے محروم رہے مگر انہوں نے انٹرنیشنل کرکٹ میں 22 ہزار رنز مکمل کر لیے۔ 

کوہلی یہ اعزاز حاصل کرنے والے دنیائے کرکٹ کے آٹھویں کھلاڑی بن گئے۔

کوہلی نے 418 میچز اور 462 اننگز میں یہ کارنامہ سرانجام دیا۔ اس فہرست میں سچن ٹنڈولکر 664 میچوں میں 34357 رنز کے ساتھ  سر فہرست ہیں، ان کے بعد کمار سنگاکارا ہیں جنھوں نے 28 ہزار 16 رنز بنائے ہیں۔ 

کوہلی ون ڈے میں سچن ٹنڈولکر کی سب سے زیادہ سنچریوں کے ریکارڈ سے صرف چھ سنچریاں دور ہیں۔

ویراٹ کوہلی ون ڈے میں 12 ہزار رنز مکمل کرنے سے صرف 23 رنز کی دوری پر ہیں اور آسٹریلیا کے خلاف تیسرے ون ڈے میں وہ یہ کارنامہ سرانجام دے سکتے ہیں.

کوہلی  ون ڈے کرکٹ میں اس سنگ میل تک پہنچنے والے چھٹے کرکٹر بن جائیں گے جبکہ 300 سے بھی کم اننگز میں اتنے رنز بنانے والے پہلے کرکٹر ہوں گے۔

آئی سی سی نے اس اعزاز کے بعد اپنے ٹویٹر اکاؤنٹ پر ویراٹ کوہلی کی تصویر لگائی اور ان کے فینز سے کہا کہ وہ کوہلی کے بارے میں ایک لفظ لکھیں۔ 

انگلینڈ کی ویمن کرکٹر الیگزینڈرا ہارٹلی نے ٹویٹ کے جواب میں کوہلی کے بارے میں ’فریک (Freak)  لکھا۔

کوہلی نے یہ اعزاز انڈیا کے لیے اپنے 250 ویں میچ میں حاصل کیا لیکن ان کی بدقسمتی یہ رہی کہ انڈیا آسٹریلیا سے 51  رنز سے ہار گیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More