پاکستان او آئی سی کا بانی رکن ہے، وزیر خارجہ

بول نیوز  |  Nov 30, 2020

وزیر خارجہ شاہ محمود قریشی نے کہا ہے کہ پاکستان او آئی سی کا بانی رکن ہے۔

  تفصیلات کے مطابق وزیر خارجہ شاہ محمود قریشی نے سماجی رابطے کی ویب سائٹ ٹویٹر پر اپنے ایک پیغام میں کہا کہ او آئی سی نے کشمیر کاذ کے لیے اپنی متفقہ و واضح حمایت کی تجدید کی ہے اور یہ حمایت اسلامی سربراہی کانفرنس کے 47 ویں اجلاس میں کشمیر کاز کے لیے یہ حمایت قرارداد میں اختیار کی گئی۔

شاہ محمود قریشی نے کہا کہ اسلامی سربراہی کانفرنس کے 47 ویں اجلاس نے 5 اگست 2019 سے ابتک بھارت کے غیر قانونی اقدامات کو مسترد کر دیا جبکہ او آئی سی وزرائے خارجہ اجلاس بھارتی آر ایس ایس و بی جے پی حکومت کی پالیسیوں کو مسترد کیا ہے۔

وزیر خارجہ نے یہ بھی کہا کہ قرارداد میں بھارت کو غیر کشمیریوں کو ڈومیسائل کے اجراء کو معطل کرنے کا کہا گیا ہے جبکہ قرارداد میں بھارت کو دیگر یک طرفہ اقدامات بشمول جموں و کشمیر ری آرگنائزیشن آرڈر 2020 ,جموں و کشمیر گرانٹ آف ڈومیسائل سرٹیفیکیٹ رولز 2020 کو معطل کرنے کا کہا گیا ہے اور جموں و کشمیر لینگوئج بل 2020 اور لینڈ آنرشپ قوانین میں ترامیم معطل کرنے کا بھی کہا گیا ہے۔

شاہ محمود قریشی کا کہنا تھا کہ او آئی سی کشمیر کاذ کی مسلسل اور واضح حمایت کرتی ہے، ہم نے ہمیشہ او آئی سی کا مسلم امہ کی اجتماعی آواز کے طور پر احترام کیا ہے اور اس قرار داد کا اختیار کیا جانا او آئی سی کی جانب سے مسئلہ کشمیر پر اصولی و مسلسل موقف کی تجدید ہے

وزیر خارجہ شاہ محمود قریشی کا مزید کہنا تھا کہ پاکستان او آئی سی کی 6 رکنی  ایگزیکٹو کمیٹی کا رکن بن گیا ہے اور ہم 2021 میں اسلام آباد میں 48 ویں او آئی سی وزرائے خارجہ اجلاس کی میزبانی کے لیے تیار ہیں

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More