پاکستان: وفاقی کابینہ، نئی ایئر لائن کے لیے لائسنس کی منظوری

ہم نیوز  |  Dec 01, 2020

اسلام آباد: وفاقی کابینہ نے ملک میں نئی ایئر لائن کو پروازوں کے لیے لائسنس جاری کرنے کی منظوری دے دی ہے۔

ہم نیوز کے مطابق وفاقی کابینہ نے یہ منظوری وزیراعظم عمران خان کی زیر صدارت منعقدہ اجلاس میں دی۔

ایئر سیال کے نام سے شروع ہونے والی نئی نجی ایئر لائن کی پروازوں کا آغاز ماہ رواں کے تیسرے ہفتے میں کردیا جائے گا۔

ابتدائی طور پر نئی ایئر لائن کی پروازیں وفاقی دارالحکومت اسلام آباد، کراچی، لاہور، سیالکوٹ اور پشاور کے درمیان اڑانیں بھریں گی۔

ایئر لائن کے مطابق اس وقت ااس کے فلیٹ میں تین ایئر بس اے 320-200 شامل ہیں۔ فضائی بیڑے میں شامل تینوں جہاز دودن قبل سیالکوٹ پہنچ چکے ہیں۔

سیالکوٹ چیمبر آف کامرس کے اراکین نے 2015 میں فضائی کمپنی ایئر سیال کے منصوبے کا آغاز کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More