سی پیک ملکی ترقی اور خوشحالی کی منصوبہ ہے، اسد قیصر

بول نیوز  |  Dec 04, 2020

اسپیکر قومی اسمبلی اسد قیصر نے کہا ہے کہ سی پیک ملکی ترقی اور خوشحالی کی منصوبہ ہے۔

تفصیلات کے مطابق اسپیکر قومی اسمبلی اسد قیصر کی زیرِ صدارت خیبرپختوخواہ میں سی پیک کے تحت جاری منصوبوں پر اعلیٰ سطحی اجلاس ہوا جس میں خیبرپختونخواہ میں سی پیک کے تحت جاری منصوبوں کے حوالے سے تفصیلی تبادلہ خیال کیا گیا۔

اجلاس میں وزیر اعلی کے پی کے محمود خان کی خصوصی، وفاقی اور صوبائی وزراء میں پرویز خٹک، اسد عمر، علی آمین گنڈا پور تیمور سلیم جگڑہ اور متعلقہ محکموں کے سیکرٹریز نے شرکت کی۔

اجلاس میں وزیر دفاع پرویز خٹک کی زیرِ صدارت اسٹرنگ کمیٹی تشکیل دینے پر اتفاق کیا گیا جبکہ کمیٹی میں علی آمین گنڈا پور، اسد عمر فیصل واڈا، مراد سعید  تیمور سلیم جگڑہ اے سی ایس کے پی شامل ہونگی۔

کمیٹی میں سی پیک کے تحت جاری تمام منصوبوں پر تفصیلی گفتگو ہوئی اور آئندہ کا لائحہ پر غور خوض کیا گیا جبکہ کمیٹی چشمہ رائٹ بینک کنال اور چک درہ ہائی وے اور ڈی آئی خان موٹر وے پر کام کو مانیٹر کرے گی۔

اسپیکر قومی اسمبلی نے کہا کہ سی پیک کے تحت جاری ترقیاتی منصوبوں کی تکمیل سے ملک میں ترقی اور خوشحالی کے ایک نئے دور کا آغاز ہوگا۔

اسد قیصر نے یہ بھی کہا کہ سی پیک کے تحت جاری منصوبوں پر کام کی رفتار کو مزید تیز کرنے کے لیے متعلقہ محکموں ہر ممکن وسائل کو بروئے کار لانے کی ضرورت ہے۔

اسپیکر قومی اسمبلی اسد قیصر نے مزید کہا کہ سی پیک منصوبوں کی جلدی تکمیل وقت کی اہم ضرورت ہے، سی پیک ہی ایک منصوبہ ہے جس کے ذریعے عوام کو روزگار کے مواقع میسر ہونگے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More