طاہر اشرفی کی مولانا فضل الرحمان کو پیزہ ،حلوے اور قہوے کی آفر

ہم نیوز  |  Jan 17, 2021

اسلام آباد: وزیراعظم عمران خان کے نمائندہ خصوصی برائے مذہبی ہم آہنگی مولانا طاہر اشرفی نے پی ڈی ایم کے سربراہ مولانا فضل الرحمان کو پیزہ ،حلوے اور قہوے کی آفر کر دی ۔

لاہور میں میڈیا سے گفتگو کرتے ہوئے انہوں نے کہا کہ مولانا صاحب پنڈی آئیں تو پیزے کے ساتھ حلوہ اور قہوا بھی پیش کریں گے ۔

مولانا طاہر اشرفی نے کہا کہ عقیدہ ختم نبوت پر پہرہ دیں گے تمام مسالک کے علماء متفق ہیں کے بھارت کی فرقہ واریت پھیلانے کی سازش کو کامیاب نہیں ہونے دیں گے۔

گزشتہ ماہ میڈیا سے بات کرتے ہوئے طاہر اشرفی نے کہا تھا کہ اسلام آباد مارچ روکنے کیلئے شیخ رشید ہی کافی ہیں۔

انہوں نے کہا کہ ملک میں نیا بلدیاتی نظام تبدیلی لائے گا۔ ملک کے آئین کی خلاف ورزی کرنے والا پاکستانی نہیں ہے۔

ان کا کہنا تھا کہ ابھی اپوزیشن میں اتفاق نہیں کہ کس نے استعفیٰ دینا ہے جبکہ سینیٹ الیکشن اپنے وقت پر ہی ہو گا۔

علامہ طاہر اشرفی نے کہا کہ اسلام آباد مارچ روکنے کے لیے ایک شیخ رشید ہی کافی ہیں جنوری میں مہنگائی مزید کم ہو گی۔ اپوزیشن کی طرف سے استعفے آئے تو دیکھا جائے گا۔

انہوں نے کہا کہ توہین رسالتﷺ کے قانون کا غلط استعمال کرنے والوں کو روکیں گے۔ پاکستان میں تمام اقلیتوں کو برابر کے شہری حقوق حاصل ہیں اور اقلیتوں سمیت تمام پاکستانیوں کو مذہبی آزادی حاصل ہے۔

طاہر اشرفی نے کہا کہ لاہور میں جب عیسائیوں پر حملہ ہوا تو مسلمانوں نے خون عطیہ کیا تھا لیکن فرانس میں جو ہوا وہ ایک اچھے معاشرے میں نہیں ہوتا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More