اسپین میں لاک ڈاﺅن کی مدت میں مزید اضافہ

بول نیوز  |  Jan 22, 2021

اسپین کے صوبے کاتالونیا کی حکومت نے کورونا وائرس کے پھیلاو کو روکنے کے لئے موجودہ اقدامات کو مزید دو ہفتوں کے لئے بڑھا دیا ہے۔

خبر رساں ایجنسی کے مطابق لاک ڈاون کے باعث نقل و حرکت، تعلیمی مراکز، اور کاروبار پر پابندیاں کم سے کم 7 فروری تک برقرار رہیں گی۔

محکمہ صحت کا کہناہے کہ وائرس کا پھیلاو تیزی سے جاری ہے جس کے باعث تیسری لہر بہت قریب ہے۔ہسپتالوں میں مریضوں کے دباو میں دن بدن اضافہ ہورہاہے۔

بارسلونا سمیت پورے کتلان صوبہ میں بلا ضرورت ایک علاقے سے دوسرے علاقے میں جانے کی اجازت نہیں ہوگی۔ تاہم صرف کام، اسکول، ہسپتال جانے کی اجازت ہوگی جبکہ 400 میٹر دوکانیں ہی کھولی جا سکتی ہیں۔

اس کے علاوہ بڑے کمرشل سینٹر مکمل طور پر بند رہیں گے۔بارز، ریسٹورنٹس پہلے کی طرح صرف ناشتے اور دوپہر کے کھانے کی سروس فراہم کرنے کی اجازت ہو گی۔ اس کے علاوہ صرف ہوم ڈلیوری اور ٹیک اوے کرنا ہوگا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More