خان پور: خوف کی علامت بننے والی نقلی چڑیل گرفتار

ہم نیوز  |  Jan 22, 2021

خان پور: ضلع رحیم یارخان کی تحصیل خان پور کے علاقے غریب آباد میں خوف کی علامت بنی ہوئی چڑیل کا ڈراپ سین ہو گیا ہے۔ اہل علاقہ نے مبینہ طور پر بکری چوری کرنے کی کوشش کے دروان ایک خاتون کو پکڑا اور چڑیل ہونے کا الزام لگا کر پولیس کے حوالے کر دیا۔

شہریوں کا کہنا ہے کہ خاتون ایسا میک اپ کرتی تھی کہ اس پر چڑیل ہونے کا گمان گزرتا تھا۔ اس نے پاوں میں گھنگرو بھی باندھے ہوتے تھے۔

لوگ اسے دیکھتے تو ان کی دوڑیں لگ جاتی تھیں۔ اہل علاقہ کا کہنا ہے کہ اس خاتون نے ایک بکری چوری کرنے کی بھی کوشش کی جس پر لوگوں نے  اسے پکڑ لیا۔

Previous Next

ذرائع کے مطابق دوران تفتیش انکشاف ہوا کہ نقلی چڑیل کوئی خاتون نہیں بلکہ ایک مرد ہے۔ ملزم کی شناخت عمران ولد قمر دین کے نام سے ہوئی جو کہ جٹکی بستی کا رہائشی ہے۔

چڑیل کے میک اپ میں ملزم رات کی تاریکی میں سڑکوں پر گھومتا رہتا تھا۔ گزشتہ ایک ماہ کے دوران غریب آباد سے متعدد بکریاں بھی چوری ہوئی ہیں۔ پولیس نے چڑیل کا روپ دھارنے والے بہروپیئے کے خلاف کاروائی شروع کر دی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More