کراچی ٹیسٹ: کون کون سی سڑکیں بندہونگی؟، نیاٹریفک پلان جاری

سماء نیوز  |  Jan 24, 2021

پاکستان اور جنوبی افریقا کے درمیان پہلے ٹیسٹ کیلئے پولیس نے نظرثانی شدہ ٹریفک پلان جاری کردیا۔ میچ 26 جنوری سے 30 جنوری تک نیشنل اسٹیڈیم کراچی میں کھیلا جائے گا، قریبی سڑکیں صبح 9 سے شام 6 بجے تک بند رہیں گی۔

جنوبی افریقی ٹیم 13 سال بعد پاکستان کے دورے پر آئی ہے، جسے اسٹیٹ گیسٹ سیکیورٹی دی گئی ہے۔

ڈی آئی جی ٹریفک پولیس کراچی کی جانب سے جاری نوٹیفکیشن میں شہریوں کو مذکورہ دنوں میں متبادل راستے استعمال کرنے کی ہدایت کی ہے۔

مزید جانیے: نظر ثانی شدہ پلان کے مطابق کارساز روڈ اسٹیڈیم فلائی اوور تک کھلا رہے گا جبکہ آغا خان اسپتال سے متصل سڑک بھی نیو ٹاؤن تک معمول کے مطابق کھلے رہے گی۔

کراچی ٹیسٹ کے دوران 26 سے 30 جنوری تک صبح 9 بجے سے شام 6 بجے تک اسٹیڈیم فلائی اوور سے حسن اسکوائر تک دونوں روڈ مکمل طور پر بند رہیں گے جبکہ ڈالمیا سے متصل اسٹیڈیم کی عقبی سڑک صرف مکینوں کیلئے کھلے رہے گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More