پاک بھارت کھلاڑیوں کے درمیان برادرانہ تعلقات دیکھ کر خوشی ہوئی ہے، میتھیو ہیڈن

بول نیوز  |  Oct 28, 2021

آسٹریلیا سے تعلق رکھنے والے پاکستان کے بیٹنگ کنسلٹنٹ میتھیو ہیڈن کا کہنا ہے کہ پاک بھارت کھلاڑیوں کے درمیان برادرانہ تعلقات دیکھ کر خوشی ہوئی ہے۔

تفصیلات کے مطابق پاکستان نے آئی سی سی کے ورلڈ کپ ایونٹ میں پہلی بار بھارت کو شکست دی ،جس کے بعد دونوں ٹیموں کے کھلاڑیوں کو ملتے جلتے دیکھا گیا ، جس پر پاکستان کرکٹ ٹیم کے بیٹنگ کنسلٹنٹ میتھیو ہیڈن دونوں ممالک کے کھلاڑیوں کے درمیان دوستانہ تعلقات دیکھ کر حیران ہوئے۔

انہوں نے کہا کہ اتنے دباؤ والے میچ کے بعد پاکستان اور بھارت کے کھلاڑی بڑے خوشگوار موڈ میں بات کرتے نظر آئے، اس سے اندازہ ہوتا ہے  کہ پاکستان اور بھارت کے درمیان روایتی جنگ صرف کرکٹ کے میدان میں ہے۔

واضح رہے کہ میچ کے اختتام پر بھارتی کپتان ویرات کوہلی نے محمد رضوان کو ان کی بہترین اننگز کے بعد گلے لگایا جبکہ ایم ایس دھونی بھی میچ کے بعد کپتان بابراعظم، شعیب ملک اور شاہنواز دھانی کے ساتھ خوشگوار موڈ میں بات کرتے نظر آئے تھے۔

خیال رہے کہ گروپ ٹو میں شامل پاکستان نے ورلڈ کپ میں پہلے بھارت اور پھر نیوزی لینڈ کو ہرا کر سیمی فائنل کیلئے اپنی راہ ہموار کرلی ہے، اور اب قومی ٹیم کے اگلے تین میچز افغانستان، اسکاٹ لینڈ اور نمیبیا سے ہیں، پوائنٹس ٹیبل پر بھی پاکستان اس وقت 4 پوائنٹس کے ساتھ گروپ 2 میں پہلے نمبر پر ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More