ناسا کا اسپیس ایکس سے تین مزید کمرشل مشنز خریدنے کا اعلان

بول نیوز  |  Dec 05, 2021

ناسا نے اسپیس ایکس سے تین مزید کمرشل کریو مشنز خریدنے کا اعلان کردیا۔ ناسا کی جانب سے یہ اعلان بوئینگ کے سی ایس ٹی 100 اسٹار لائنر کی سرٹیفیکیشن میں مزید تاخیر کی صورت میں کیا گیا۔

ناسا کی جانب سے ایک کانٹریکٹ نوٹیفیکشن جاری کیا گیاہے  جس میں اعلان کیا گیا کہ ادارے کا ارادہ ہے کہ اسپیس ایکس کےلیے تین مشنز کا سول-سورس ایوارڈ جاری کیا جائے۔

یہ مشنز 2014 میں اسپیس ایکس کے حاصل کردہ کمرشل کریو ٹرانسپورٹیشن کیپیبلیٹی معاہدے کے تحت 2.6 ارب ڈالرز مالیت کے چھ پوسٹ سرٹیفیکیشن مشنز کے علاوہ ہوں گے۔

تاہم اعلان میں ان تین نئے مشنز کی مالیت نہیں بتائی گئی ہے۔

اسپیس ایکس نے ان چھ مشنز میں سے تیسرا مشن کریو-3 10 نومبر کو انٹرنیشنل اسپیس اسٹیشن بھیجا تھا۔ کریو-4 2022 کے پہلے حصے جبکہ کریو-5 2022 کے دوسرے حصے میں لانچ کیے جائیں گے۔

اسپیس ایکس اور بوئینگ کے درمیان متبادل مشنز ناسا کا منصوبہ تھا۔ ادارے کا خیال تھا کہ دونوں کمپنیوں کے وہیکل ایک وقت میں قریب قریب سرٹیفائیڈ ہوجائیں گے۔

تاہم بوئینگ کو ابھی بھی عملے کے ساتھ ایک اسٹارلائنر مشن اڑانا ہے اور اس کا دوسرا بغیر عملے والا ٹیسٹ OFT-2  2022 تک ملتوی ہوگیا ہے۔

نوٹس کے مطابق تکنیکی مسائل کے سبب بوئینگ کو التواء کا سامنا ہونے کی وجہ سے اسپیس ایکس مارچ 2023 میں اپنا آخری پی سی ایم لانچ کرے گا۔

ناسا کی ایسوسی ایٹ ایڈمنسٹریٹر برائے خلائی آپریشنز کیتھی لیوڈرز کا کہنا تھا کہ ہمارا اسپیس اسٹیشن کے لیے اضافی پروازیں محفوظ کرنا اہم ہے۔ امریکا کی اسٹیشن پر موجودگی کے لیے ان مشنز کی ضرورت ہے جس کے لیے ہم تیار ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More