وزیراعظم انصاف کیجیے ورنہ ریاست مدینہ کا نام نہ لیں، بشریٰ انصاری 

بول نیوز  |  Dec 07, 2021

لیجنڈ اداکارہ بشریٰ انصاری نے سیالکوٹ واقعے اور نور مقدم کیس سمیت دیگر واقعات پر وزیر اعظم سے کہا ہے کہ وہ انصاف کیجیے ورنہ ریاست مدینہ کانام نہ لیں۔

اپنے وہڈیو پیغام میں بشریٰ انصاری نے کہا کہ  پریانتھا کمارا کے ساتھ جو کچھ کیا گیا اس پرہم سب بہت شرمندہ ہیں۔

انہوں نے کہا کہ سیالکوٹ میں 10 سے 12 سال پہلے بھی 2 بھائیوں کو قتل کیا گیا تھا۔ ان کی لاشیں گھسیٹنے والوں میں ایک 11 سال کا بچہ بھی تھا، آج وہ بچہ ایک ہجوم کی شکل اختیار کرگیا ہے۔

بشریٰ انصاری نے کہا کہ آپ کوئی بھی بہانہ کریں لیکن انہیں لوگوں کو قتل کرنے کا حق حاصل ہوگیا ہے کیونکہ انہیں ان کے جرم کی سزا نہیں ملتی۔

 

 

View this post on Instagram

 

A post shared by Bushra Bashir (@ansari.bushra)

اداکارہ نے کہا کہ موٹر وے پر زیادتی کے مجرم گرفتار کرلئے گئے، وہ اس وقت جیل میں ہیں اور آرام سے کھاتے پیتے ہیں، جب تک ہم انہیں بھرے مجمع میں وہ سزائیں نہیں دیں گے جن سے ان کی روح تک کانپ جائیں تب تک یہ سب نہیں رکے گا۔

بشریٰ انصاری کا کہنا تھا کہ ایسا کب ہوگا جب ہم نور مقدم کو انصاف ملتا ہوا دیکھیں گے، سب کو سمجھ آرہی ہے کہ تمام ثبوتوں کے باوجود اس درندے کا تحفظ کیوں کیا جارہا ہے، لوگوں کو سنگسار کیا جائے، کچھ عرصے میں اسے پاگل قرار دے کر چھوٹی موٹی سزا کے بعد چھوڑ دیا جائے گا۔

بشریٰ انصاری نے مزید کہا کہ عمران خان سے درخواست کرتی ہوں کہ بس انصاف کریں،  ریاست مدینہ کا نام لینے سے ہی کام نہیں چلے گا، کچھ کرکے دکھانا ہوگا، ورنہ ریاست مدینہ کانام نہ لیں، انصاف کیجیے صرف انصاف کا نام  نہ لیجیے، آپ وہ تبدیلی دکھادیجیے جس کا ہم سے وعدہ کیا تھا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More