’جماعت اسلامی کراچی کو اسکا حق دلائے گی‘

بول نیوز  |  Jan 16, 2022

امیر جماعت اسلامی حافظ نعیم الرحمان نے کہا ہے کہ جماعت اسلامی کراچی کو اسکا حق دلائے گی۔

حافظ نعیم الرحمان نے کراچی میں پریس کانفرنس کرتے ہوئے کہا کہ سندھ اسمبلی کے باہر دھرنے کا 17واں دن ہے۔

انہوں نے کہا کہ آج تاریخی دن ہے، 3 کروڑ سے زائد لوگوں کے حق اور مستقبل کے لئے تاریخی جدوجہد تحریک بنتی جارہی ہے، شارع فیصل پر بہت بڑا عوامی مارچ ہوگا۔

حافظ نعیم الرحمان نے کہا کہ مارچ میں آئندہ کا لائحہ عمل پیش کریں گے، کراچی سمیت سندھ بھر کے شہریوں کے حق پر ڈاکہ ڈالا گیا ہے، دھرنا کراچی کی امید بن گیا ہے۔

امیر جماعت اسلامی کا کہنا ہے کہ دھرنے سے حکومت کی پریشانیاں بھی ظاہر ہورہی ہے، سندھ کی اپوزیشن کی جماعتوں کو بھی کچھ کرنے پر مجبور کردیا۔

انہوں نے کہا کہ ماضی کی طرح آل پارٹیز کانفرنس ہوتی رہیں اور ادارے چھنتے رہے، اپوزیشن مراعات حاصل کرتی رہی اور ہمارے وسائل لٹتے رہے، جماعت اسلامی فیصلہ کن جدوجہد کررہی ہے۔

نعیم الرحمان نے کہا کہ یقین ہے کہ ہمارے حقوق واپس ملیں گے، ہماری جدوجہد انفرادی نہیں عوام کے لئے ہے، کسی کا بھی میئر ہو، چاہتے ہیں بااختیار ہو۔

انکا کہنا ہے کہ پیپلز پارٹی اگر عوامی حمایت رکھتی ہے تو اپنا میئر عوام سے منتخب کروا کر دیکھ لے، مرتضٰی وہاب بیرون ملک سے تعلیم تافتہ ہیں، کیا وہاں بھی میئر براہ راست منتخب ہوتا ہے؟

انہوں نے کہا کہ پیپلز پارٹی 27 فروری کو مارچ کرنے جارہی ہے، عوامی جدوجہد کریں لیکن پہلے اپنا گھر تو صاف کریں، پورے سندھ پر قبضہ کرکے ملک بچانے نکل رہے ہیں۔

حافظ نعیم الرحمان نے کہا کہ الیکشن کے بعد پتہ چلے گا کون جیتا اور کون ہارا، پی پی کو کیا پریشانی ہے اپنے میئرکو عوام کے ووٹوں سے منتخب کرالے، پیپلزپارٹی آدھے سندھ پر قبضہ کرچکی اور دیگر پر کرنے جارہی ہے۔

امیر جماعت اسلامی کا کہنا ہے کہ جمہوریت کا دعویٰ کرنے والی پی پی جمہوریت پرشب خون ماررہی ہے، سیاسی جدوجہد بڑی تحریک میں بدلنے جارہی ہے۔

انہوں نے مزید کہا کہ جماعت اسلامی کراچی کواسکا حق دلائے گی، جماعت اسلامی کا دھرنا کراچی کےعوام کیلئے امید بنتا جارہا ہے، ہمارے دھرنے نے حکومت کوجھنجھوڑا اور اپوزیشن کو بھی کچھ نہ کچھ کرنے پر مجبور کردیا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More