شہباز شریف کی چودھری شجاعت حسین سے ملاقات، صورتحال پر تبادلہ خیال

ہم نیوز  |  Jul 03, 2022

لاہور: وزیراعظم اور پاکستان مسلم لیگ (ن) کے مرکزی صدر میاں شہباز شریف نے سابق وزیراعظم اور ق لیگ کے سربراہ چودھری شجاعت حسین سے ملک کی موجودہ سیاسی و معاشی صورتحال پر تبادلہ خیال کیا ہے۔

ہم نیوز کے مطابق میاں شہباز شریف بزرگ سیاستدان چودھری شجاعت حسین سے ملاقات کے لیے ان کی رہائش گاہ گئے جہاں انہوں نے سابق وزیراعظم سے ملک اور پنجاب کی صورتحال پر گفت و شنید کی۔ سیاسی مبصرین ہونے والی ملاقات کو صوبہ پنجاب کے تناظر میں انتہائی اہم قرار دے رہے ہیں۔

اس ضمن میں ہم نیوز نے ذرائع سے بتایا ہے کہ دونوں رہنماؤں کے مابین ہونے والی ملاقات میں وفاقی وزیر چودھری سالک حسین، صوبائی وزیر ملک احمد اور چودھری شافع حسین بھی موجود تھے۔

چودھری شجاعت حسین کی جانب سے گزشتہ دنوں یہ بیان دیا گیا تھا کہ وزیراعلیٰ پنجاب کے انتخاب میں چودھری پرویز الٰہی ان کے امیدوار ہوں گے اور وزیراعظم کے صاحبزادے و وزیراعلیٰ پنجاب حمزہ شہباز کو انہوں نے اپنا امیدوار نامزد نہیں کیا تھا۔

چودھری شجاعت کے بھائی نے نئی جماعت بنانے کا اعلان کردیا: طارق بشیر چیمہ نے خاندان تقسیم کردیا، وجاہت حسین

واضح رہے کہ گزشتہ دنوں چودھری شجاعت حسین کے بھائی چودھری وجاہت حسین کی جانب سے سابق وزیراعظم کے بیٹوں پرشدید الزامات عائد کیے گئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More