’تمام رکاوٹیں ختم‘، کراچی کے تینوں حلقوں سے عمران خان کے کاغذات منظور

اردو نیوز  |  Aug 16, 2022

پاکستان تحریک انصاف کے چیئرمین عمران خان کے کراچی میں جمع کرائے گئے قومی اسمبلی کے تینوں حلقوں میں کاغذات نامزدگی منظور کرلیے گئے۔

سندھ اسمبلی میں پی ٹی آئی کے پارلیمانی لیڈر خرم شیر زمان کے مطابق حلقہ این اے 237، این اے 239 اور این اے 246  کے ضمنی الیکشنز میں حصہ لینے کے لیے عمران خان کی راہ میں تمام رکاوٹیں ختم ہوگئی ہیں۔

’کراچی کی قومی اسمبلی کی تینوں نشستوں پر چیئرمین پی ٹی آئی عمران خان کے کاغذات نامزدگی منظور کرلیے گئے ہیں۔‘  

ان کا کہنا تھا کہ ’عمران خان کے مخالفین نے اپنے گریبانوں میں دیکھے بغیر کپتان پر الزام تراشی کی، عمران خان کراچی سے ضمنی انتخابات میں مخالفین کی وکٹیں گرائیں گے۔‘ 

الیکشن کمیشن کے جاری شیڈول کے مطابق کراچی کے تین قومی اسمبلی کے حلقوں میں ضمنی انتخابات 25 ستمبر کو ہوں گے۔

یاد رہے کہ سپیکر قومی اسمبلی کی جانب سے تحریک انصاف کے 11 ارکان قومی اسمبلی کے استعفے قبول کیے جانے کے بعد یہ نشستیں خالی ہوئی تھیں۔

اس کے بعد سابق وزیراعظم عمران خان نے بیک وقت 9 جنرل سیٹوں پر ضمنی الیکشنز لڑنے کا اعلان کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More