بھارت کی سیر کے لیے آنے والے ایک مسلمان امریکی جوڑے نے ہفتے کے روز بھارتی ریاست اتر پردیش کے ضلع جونپور میں ہندو روایات کے مطابق شادی کرلی۔ جوڑے کا 18 سال قبل نکاح ہوا تھا اور ان کے نو بچے ہیں۔
بھارتی میڈیا رپورٹ کے مطابق شادی جونپور کے ترلوچن مہادیو مندر میں ہوئی۔ امریکی نژاد مسلمان جوڑا کیامہ دین خلیفہ اور کیشا خلیفہ بھارت سیر کو آئے تھے جب انہیں ہندوستان کی ثقافت اور روایات پسند آئیں تو پھر انہوں نے ہندو روایت کے مطابق شادی کرنے کا فیصلہ کیا۔
وارانسی کے گھاٹوں، مندروں اور دیگر مذہبی مقامات کے دورے کے دوران یہ جوڑا ہندو ثقافت سے اتنا متاثر ہوا کہ انہوں نے ہندو رسم و رواج کے مطابق شادی کی۔
مندر کے پجاری روی شنکر گری کے مطابق میاں بیوی عمر 40 کی دہائی میں ہے اور وہ پہلے ہی مسلمان روایات کے مطابق شادی کر چکے ہیں۔ دولہا قیام الدین خلیفہ نے بتایا کہ وہ 9 بچوں کا باپ ہے۔ کیشا خلیفہ نے بتایا کہ ان کے دادا ہندوستانی نژاد ہندو تھے۔
جوڑے کے ساتھ آنے والے پنڈت گووند شاستری نے بتایا کہ شادی کی تمام رسومات ہندو رسم و رواج کے مطابق مکمل کی گئیں ہیں۔
امریکہ سے تعلق رکھنے والے مسلمان جوڑے کیامہ دین خلیفہ اور ان کی اہلیہ کیشا نے بھی ہندو رسومات کے مطابق آگ کو گواہ مانتے ہوئے ترلوچن مہادیو مندر میں سات چکر لگائے۔