وزیر اعلیٰ پنجاب کو لندن میں فکر لاحق، انسداد ڈینگی مہم کو مزید مؤثر بنانے کا حکم

ہم نیوز  |  Oct 06, 2022

لندن: وزیراعلیٰ پنجاب چودھری پرویز الہٰی نے صوبے میں انسداد ڈینگی مہم کو مزید مؤثر بنانے اور تیز کرنے کا حکم دیا ہے۔

ہم نیوز کے مطابق ق لیگ کے مرکزی رہنما اور وزیراعلیٰ پنجاب چودھری پرویز الٰہی اس وقت برطانیہ میں ہیں لیکن انہیں صوبے میں ڈینگی کے جاری وار کی وجہ سے فکر و پریشانی لاحق ہے۔

چودھری پرویز الٰہی نے لندن سے کابینہ کمیٹی برائے انسداد ڈینگی کو ہدایات جاری کی ہیں کہ انسداد ڈینگی کے لیے جاری سرگرمیوں کو مؤثر طریقے سے مانیٹر کیا جائے۔

وزیراعلیٰ پنجاب نے کابینہ کمیٹی کو ہدایت کی کہ انسداد ڈینگی اقدامات کے ساتھ کلینکل مینجمنٹ پر پورا فوکس کیا جائے، انسداد ڈینگی کی ٹیموں کو نچلی سطح پر متحرک کیا جا ئے۔

ہم نیوز کے مطابق وزیراعلیٰ پنجاب چودھری پرویز الٰہی نے یہ ہدایت بھی کی کہ سرویلنس ٹیمیں ہاٹ اسپاٹ گھروں و علاقوں پرخصوصی توجہ دیں، پارکس و گرین ایریاز کی چیکنگ کی جائے اور اسپرے کو یقینی بنایا جائے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More