موجودہ سیاسی صورتحال میں آئے دن ایسی ویڈیوز وائرل ہوتی رہتی ہیں جس میں نواز شریف یا ان کے سیاسی حامیوں کو لندن میں سرعام احتجاج کا نشانہ بنایا جارہا ہو۔ لوگ اپنے احتجاج میں یہ بات بھول جاتے ہیں کہ ان کا جارحانہ انداز ہراسانی کے زمرے میں بھی شمار کیا جاسکتا ہے جس سے دوسرے ملک میں پاکستان کی بدنامی ہوتی ہے۔ البتہ جنید صفدر نے اپنے خاندان کے خلاف احتجاج کرنے والے پی ٹی آئی کے کارکنان کو ایسا جواب دیا جس سے سوشل میڈیا صارفین کے دل بھی جیت لئے۔ ویڈیو دیکھیں
ویڈیو میں دیکھا جاسکتا ہے کہ جنید لندن میں موجود ہیں اور ایک شخص ان کے پاس آکر اپنا تعارف کرواتا ہے۔ جنید اسے کہتے ہیں میں نے آپ کو دیکھا ہوا ہے۔ وہ نوجوان کہتا ہے میں آپ کے خاندان کے خلاف ہوا۔ جنید صفدر اس نوجوان اور اس کے ساتھ آئے شخص کو کہتے ہیں کہ احتجاج کرنا آپ کا حق ہے۔ آپ تمیز کے دائرے میں رہتے ہوئے جس طرح چاہیں احتجاج کریں۔ آپ کو ہم سے کوئی شکایت نہیں ہوگی۔
جنید صفدر کا مہذب انداز
جنید صفدر کا رویہ دیکھ کر وہاں موجود تمام لوگ ہی متاثر ہوجاتے ہیں اور ان کا شکریہ ادا کرتے ہیں۔ سوشل میڈیا پر بھی یہ ویڈیو تیزی سے وائرل ہورہی ہے اور جنید صفدر کے پرسکون اور شائستہ لب و لہجے کو صارفین خوب سراہ رہے ہیں۔