وفاقی دارالحکومت کے سرکاری پرائمری اسکول کے بچوں کے لیے دوستانہ پالیسی متعارف کروا دی گئی۔
طلبا پر بوجھ کم کرنے کے لیے سرکاری پرائمری اسکول کے بچے یکم اگست سے اسکول بیگ نہیں اٹھائیں گے۔
وفاقی سرکاری اسکولوں میں داخلے کیلئے ب فارم کی شرط ختم
نئی پالیسی کے تحت بچوں کو اسکول کی کتابوں کو ذخیرہ کرنے کے لیے کلاس رومز میں کیبن فراہم کئے جائیں گے، اس اقدام کا مقصد بھاری سکول بیگز کا وزن کم کرنا، طلبا کے لیے صحت مند اور خوشگوار سیکھنے کے تجربے کو فروغ دینا ہے۔
یہ فیصلہ والدین اور طلبا دونوں کے لیے ایک خوش آئند اقدام ہے، نئی پالیسی یکم اگست سے نافذ العمل ہو گی، اس حوالے سے محکمہ تعلیم کی جانب سے تمام سرکاری پرائمری اسکولوں میں ضروری انتظامات کیے جا رہے ہیں۔