یہ آخری دم تک لڑتے ہیں۔۔ پاکستانی ٹیم کی جیت پر وسیم اکرم بھی خوش! شاہین اور محمد رضوان کی تعریف میں اور کیا کہا؟

"پاکستان نے آسٹریلیا کو ان کے ہوم گراؤنڈ میں شکست دے کر تاریخ رقم کی ہے۔ میں قومی ٹیم کو دل سے مبارکباد دیتا ہوں۔ ان لڑکوں کو سپورٹ کرتے رہیں، یہ آخری دم تک لڑتے ہیں۔ رضوان نے بطور کپتان فاسٹ بولرز کو بہترین انداز میں استعمال کیا، کبھی دو اوورز کا اسپیل، کبھی پانچ اوورز کا اسپیل، اور جب وکٹ کی ضرورت پڑی تو انہوں نے حارث رؤف کو استعمال کیا اور بریک تھرو حاصل کیا۔ شاہین آفریدی نے بھی شاندار بولنگ کی۔ ان سب کے روشن مستقبل کے لیے دعاگو ہوں۔" - وسیم اکرم

وسیم اکرم نے پرتھ میں آسٹریلیا کے خلاف تاریخی جیت پر قومی ٹیم کی دل کھول کر تعریف کی۔ 22 برس بعد پاکستانی ٹیم نے آسٹریلیا کو ان کے ہی میدان میں ہرا کر زبردست مثال قائم کی، اور اس پر سابق کپتان کا کہنا تھا کہ ٹیم کا روشن مستقبل صرف سپورٹ سے ہی ممکن ہے۔ انہوں نے کھلاڑیوں کو آخری دم تک لڑنے والا قرار دیا اور خاص طور پر رضوان کی قیادت میں فاسٹ بولرز کی شاندار حکمت عملی کو سراہا۔

وسیم کا کہنا تھا کہ شاہین آفریدی کی سوئنگ اور حارث رؤف کے بریک تھرو نے میچ میں کامیابی کو آسان بنایا۔ اب ٹی ٹوئنٹی سیریز میں بھی توقعات باندھ لیں، کیونکہ یہ ٹیم سرپرائز دینے کی عادی ہو چکی ہے۔