سعودی عرب میں ایک ہفتے کے دوران 20 ہزار 124 غیر قانونی تارکین کو گرفتار کر لیا گیا۔
سعودی عرب میں غیر قانونی تارکین کے خلاف کام کرنے والی مشترکہ کمیٹی کی جانب سے جاری بیان میں کہا گیا ہے کہ گرفتار ہونے والوں میں 11607 اقامہ قوانین کی خلاف ورزی ، 5285 سرحدی قوانین جبکہ 3232 تارکین لیبر قوانین کی خلاف ورزی میں ملوث تھے۔
دھاندلی کا الزام ، جارجیا میں اپوزیشن رہنما نے الیکشن کمیشن سربراہ کے چہرے پر سیاہی پھینک دی
حکام کا کہنا ہے کہ 1401 افراد کو سرحد عبور کرکے ملک میں غیر قانونی طور پر داخل ہونے کی کوشش پر گرفتار کیا گیا ، جن میں سے 39 فیصد یمنی، 60 فیصد ایتھوپی جبکہ ایک فیصد دیگر ممالک کے تارکین شامل ہیں۔
اسی طرح سرحد عبور کرکے غیر قانونی طور پر ملک سے باہر جانے کی کوشش کرتے ہوئے 98 افراد گرفتار ہوئے، وزارت داخلہ نے کہا ہے کہ غیر قانونی تارکین کو کسی بھی قسم کی سہولت فراہم کرنے پر 15 سال قید اور10 لاکھ ریال جرمانہ ہو سکتا ہے۔