"پاکستانی عوام ایک بمپ دیکھ کر ایسے پریشان ہو رہی ہے جیسے وہ آسمان سے گرے ہوں اور انہیں بچپن میں بتایا گیا ہو۔ اگر آپ کو بمپ دیکھ کر مسئلہ ہے تو ان فالو کریں اور آگے بڑھ جائیں کیونکہ میں یہ بمپ مزید دکھانے والی ہوں۔"
مریم نفیس نے اپنی حالیہ انسٹاگرام پوسٹ کے ذریعے تنقید کرنے والوں کو سخت جواب دے دیا ہے۔ اپنی شخصیت، لباس اور انداز پر آنے والی ناپسندیدہ رائے کو اداکارہ نے بےباک الفاظ میں مسترد کرتے ہوئے کہا کہ وہ اپنے جسم پر فخر کرتی ہیں اور کسی بھی تبصرے کو خود پر حاوی نہیں ہونے دیں گی۔
اداکارہ مریم نفیس، جو اپنی بولڈ شخصیت اور منفرد انداز کے لیے مشہور ہیں، اس وقت سوشل میڈیا کی توجہ کا مرکز بنی ہوئی ہیں۔ لندن میں چھٹیاں مناتے ہوئے انہوں نے ایک انسٹاگرام ویڈیو شیئر کی، جس میں وہ کرسمس کے رنگ میں رنگی نظر آئیں۔ لیکن مداحوں کی توجہ ان کے لباس اور بےبی بمپ پر مرکوز رہی، جس پر سوشل میڈیا صارفین کی جانب سے شدید ردعمل سامنے
ناقدین کی جانب سے انہیں ایک اسلامی اور قدامت پسند معاشرے کے اصولوں کی خلاف ورزی کا مرتکب ٹھہرایا گیا، مگر مریم نے دو ٹوک الفاظ میں واضح کیا کہ وہ اپنے فیصلے اور جسمانی آزادی پر سمجھوتہ نہیں کریں گی۔ ان کا کہنا تھا کہ اگر کسی کو ان کی ویڈیوز یا تصاویر سے مسئلہ ہے تو وہ انہیں ان فالو کر سکتے ہیں۔
اداکارہ کی یہ جرات مندانہ بات چیت جہاں بہت سے لوگوں کے لیے متاثر کن ثابت ہوئی، وہیں اس نے ایک بار پھر یہ سوال اٹھا دیا کہ عوامی شخصیات کو اپنی ذاتی زندگی کے اظہار میں کتنی آزادی ہونی چاہیے۔ مریم نفیس کی یہ کہانی ہمیں یاد دلاتی ہے کہ خود پر اعتماد اور اپنی حدود کا دفاع کرنا ہر شخص کا حق ہے، چاہے وہ ایک مشہور اداکارہ ہی کیوں نہ ہو۔