پے درپے شکستوں کی وجہ سے تنقید کا نشانہ بننے والے بھارتی ٹیم کے کپتان روہت شرما نے ٹیسٹ کرکٹ سے ریٹائرمنٹ لینے کا فیصلہ کر لیا۔
بھارتی میڈیا کے مطابق روہت شرما آسٹریلیا کیخلاف جاری 5 ٹیسٹ میچز کی سیریز کے اختتام پر ریٹائرمنٹ کا اعلان کریں گے۔ کرکٹ بورڈ کے اعلیٰ حکام اور سلیکٹرز کو بھی اس بارے میں علم ہے، وہ ریٹائرمنٹ کے فیصلے کو نہیں بدلیں گے۔
جنوبی افریقہ نے آسٹریلیا سے ٹیسٹ چیمپئن شپ کی پہلی پوزیشن چھین لی
میڈیا رپورٹ کے مطابق روہت شرما اس حوالے سے کب اعلان کریں گے اس حوالے سے حتمی وقت نہیں بتایا جا سکتا لیکن قوی امکان ہے کہ وہ سڈنی میں پانچواں ٹیسٹ میچ ان کا آخری ٹیسٹ ہو گا۔
واضح رہے کہ روہت شرما نے رواں سال جون میں ٹی 20 ورلڈ کپ کا فائنل جیتنے کے بعد ٹی 20 فارمیٹ سے ریٹائرمنٹ کا اعلان کیا تھا۔