پاکستان کے اذان علی سکاٹش جونیئر اوپن چیمپئن شپ 2024 جیت گئے

پاکستان کے نوجوان اذان علی کان سکاٹش جونیئر اوپن چیمپئن شپ کے ناقابلِ شکست کھلاڑی قرار پائے ہیں۔

پاکستان جونیئر انڈر 17کیٹیگری سکواش چیمپین اذان علی خان ایڈنبرا میں جاری سکاٹش جونیئر اوپن چیمپئن شپ 2024 کے چیمپئن بن گئے ہیں۔

اذان علی خان نے سکاٹش جونیئر اوپن چیمپئن شپ کے فائنل میں سویٹزرلینڈ کے کھلاڑی لینڈرو واگل کو شکست دی۔

جونیئر سکواش چیمپیئن اذان علی خان نے اپنی جیت پاکستان میں سکولوں سے باہر بچوں کے نام کی ہے۔

چیئرمین پرائم منسٹر یوتھ پروگرام رانا مشعود احمد خان نے کھلاڑی، کوچ اور ٹیم مینیجر اور قوم کو اس کامیابی پر مبارک دی ہے۔

اس ایونٹ میں 22 ممالک سے کھلاڑیوں حصہ لیا جن میں کینیڈا، برطانیہ، اٹلی، مصر، امریکا وغیرہ شامل ہیں۔

اذان علی خان اگلے مرحلے میں برٹش اوپن ورلڈ جونیئر سکواش چیمپیئن شپ میں بھی حصہ لے رہے ہیں۔ برٹش اوپن ورلڈ جونیئر سکواش چیمپیئن شپ دو جنوری سے چھ جنوری تک برمنگھم میں منعقد ہو گی۔