بھارتی ٹیم کے کپتان روہت شرما کے چیمپئنز ٹرافی سے قبل پاکستان آنے کا امکان ہے۔
بھارتی میڈیا رپورٹ کے مطابق بھارتی ٹیم کے کپتان روہت شرما چیمپئنز ٹرافی سے قبل ٹرافی کے ساتھ فوٹو شوٹ کے لیے پاکستان آسکتے ہیں۔
یہ بھی کہا جارہا ہے کہ روہت شرما ممکنہ طور پر پاکستان میں کپتانوں کے ساتھ پریس کانفرنس میں شرکت بھی کریں گے۔
یہ بھی پڑھیں: روہت شرما نے ریٹائرمنٹ کا فیصلہ کر لیا
رپورٹ کے مطابق چیمپئنز ٹرافی کی آٹھوں ٹیموں کے کپتان ایک پریس کانفرنس اور فوٹو شوٹ کے لیے اکٹھے ہوں گے، ہر بڑے ایونٹ سے قبل تمام ٹیموں کے کپتان موجود ہوتے ہیں۔
بھارتی میڈیا کا بتانا ہے کہ روہت شرما کے پاکستان کے دورے کے حوالے سے حتمی فیصلہ ہونا ابھی باقی ہے۔
واضح رہے کہ چیمپئنز ٹرافی کا آغاز 19 فروری کو پاکستان اور نیوزی لینڈ کے میچ سے ہوگا، ایونٹ میں بھارتی ٹیم 20 فروری کو بنگلا دیش کے خلاف دبئی میں اپنا پہلا میچ کھیلے گی۔