پاکستان کرکٹ بورڈ کے چیئرمین محسن نقوی نے کہا ہے کہ چیمپئنز ٹرافی کی وجہ سے صائم ایوب کا کیریئر داؤ پر نہیں لگانا چاہتے۔
ہیوسٹن میں میڈیا سے گفتگو کرتے ہوئے محسن نقوی کا کہنا تھا کہ ایک دو روز میں صائم ایوب کا پلاسٹر اتر جائے گا۔ میں خود صائم کی انجری کو مانیٹر کر رہا ہوں۔
چیمپئنز ٹرافی کیلئے قومی اسکواڈ ، صائم ایوب کی جگہ خوشدل شاہ شامل
ان کا کہنا تھا کہ صائم ایوب ہمارا اثاثہ ہے ، ان کا ری ہیب چل رہا ہے ، روزانہ کی بنیاد پر صائم ایوب سے رابطہ کرتا ہوں ، امید ہے وہ بہت جلد صحتیاب ہو گا۔
واضح رہے کہ پاکستان کے اوپنر صائم ایوب دائیں ٹخنے میں فریکچر کے سبب 6 ہفتے تک کرکٹ سے باہر ہو گئے ہیں۔