قلات حملے میں 18 فوجی اہلکار ہلاک، بلوچستان میں دو آپریشنز میں 23 ’دہشتگرد‘ مارے گئے: آئی ایس پی آر

آئی ایس پی آر کے مطابق بلوچستان کے ضلع قلات کے علاقے منگوچر میں سکیورٹی فورسز نے یکم فروری کی رات کو کارروائی کرتے ہوئے 12 'دہشت گردوں' کو ہلاک کر دیا جبکہ اس آپریشن کے دوران سکیورٹی فورسز کے 18 اہلکار بھی مارے گئے۔حماس اور اسرائیل کے درمیان ہونے والے جنگ بندی کے معاہدے کے بعد سنیچر کے روز یرغمالیوں کی رہائی کے چوتھے مرحلے میں حماس نے غزہ میں دو مختلف تقاریب کے دوران تین اسرائیلی شہریوں کو رہا کر دیا گیا۔ حماس کی جانب سے ان تین اسرائیلیوں کی آزادی کے بدلے میں اسرائیلی انتظامیہ 180 سے زائد فلسطینی قیدیوں کو رہا کرے گی۔بحریہ ٹاؤن کے مالک ملک ریاض کو جان سے مارنے کی دھمکی کا مقدمہ ملک ریاض کے سکیورٹی آفیسر کرنل ریٹائرڈ خلیل الرحمان کی مدعیت میں تھانہ آبپارہ میں درج کر لیا گیا ہے۔امریکی حکام کے جانب سے جاری ایک بیان میں کہا گیا ہے کہ واشنگٹن نیشنل ایئرپورٹ پر مسافر جہاز اور فوجی بلیک ہاک ہیلی کاپٹر کے درمیان پیش آنے والے حادثے کے بعد اب ہیلی کاپٹر کا کاک پٹ وائس ریکارڈر بھی تلاش کر لیا گیا ہے جسے بلیک باکس بھی کہا جاتا ہے۔ضلع کرم کے اسسٹنٹ کمشنر ریوینیو سعید منان ایک حملے میں زخمی ہو گئے ہیں تاہم ان کی حالت خطرے سے باہر ہے۔ اسسٹنٹ کمشنر بوشہرہ میں عارضی سیزفائر کے موقع پر علاقے کے دورے پر تھے کہ ان پر حملہ ہوا۔پاکستانی فوج کے شعبہ تعلقات عامہ کے مطابق صوبہ خیبرپختونخوا کے مختلف اضلاع میں کارروائیوں میں 10 دہشتگرد مارے گئے ہیں۔

قلات حملے میں 18 فوجی اہلکار ہلاک، بلوچستان میں دو آپریشنز میں 23 ’دہشتگرد‘ مارے گئے: آئی ایس پی آر