اسٹاک ایکسچینج میں مثبت کاروبار کا آغاز ، ڈالر بھی سستا ہو گیا

پاکستان اسٹاک ایکسچینج میں آج کاروباری ہفتے کے آغاز پر مثبت رجحان دیکھنے میں آیا ، تبادلہ مارکیٹ میں ڈالر کی قیمت میں بھی کمی ریکارڈ کی گئی۔

کاروباری ہفتے کے پہلے روز اسٹاک ایکسچینج میں تیزی کا رجحان دیکھا گیا ، 100 انڈیکس میں 401 پوائنٹس کا اضافہ ریکارڈ کیا گیا جس سے انڈیکس ایک لاکھ 10 ہزار 724 پوائنٹس پر ٹریڈ کرتے دیکھا گیا۔

اسٹاک ایکسچینج میں شدید مندی کا رجحان ، سرمایہ کاروں کا بڑا نقصان

واضح رہے گزشتہ ہفتے اسٹاک مارکیٹ میں شدید مندی کا رجحان رہا تھا جس سے سرمایہ کاروں کے اربوں روپے ڈوب گئے تھے۔

دوسری جانب ایکسچینج کمپنیز ایسوسی ایشن کے مطابق انٹر بینک میں ڈالر سستا ہو گیا ہے ، 5 پیسے کی کمی کے بعد ڈالر کی قیمت  279 روپے ہو گئی ہے۔