وزیراعظم کے مشیر برائے سیاسی امور رانا ثناء اللہ نے کہا ہے کہ سپریم کورٹ کے دو سینئر ججز کا بعض معاملات میں ایسا رویہ ہے کہ ریفرنس بنایا جا سکتا ہے۔
ایک انٹرویو میں رانا ثناءاللہ نے کہا کہ آپ ایسے پروپیگنڈے کا موجب بنیں جو پورے ادارے کو بدنام کرے تو اس کو مس کنڈکٹ سے جوڑا جا سکتا ہے، یہ معاملہ کبھی کابینہ میں زیربحث نہیں آیا۔
تمام ہائیکورٹس کے ججز کی تعیناتی میں یہ ممبران ساتھ ساتھ تھے، بیرسٹرعقیل ملک
انہوں نے کہا کہ دو ججز سپریم کورٹ میں کام چلنے نہیں دے رہے، ہر معاملے پر اختلاف کرتے، بائیکاٹ کرتے یا خط لکھتے ہیں۔
انہوں نے کہا کہ عدلیہ میں ایسے ججز بیٹھے ہیں جنہوں نے ملک پر حکمرانی کی، یہ چپڑاسی سے لے کر ملک کے وزیراعظم تک کو اپنے سامنے دست بستہ کھڑا کر لیتے تھے۔ یہ از خود نوٹس کے نام پر جسے دل چاہتا تھا اپنے سامنے کھڑا کر لیتے تھے۔
ان کا مزید کہنا تھا کہ ججز کی تعیناتی اور تبادلوں کا پرانا اصول ہم نے تبدیل نہیں کیا ، جسٹس منصور علی شاہ نے ججز کی تعیناتی اور تبادلوں کے حوالے سے خود فارمولا دیا تھا، حکومت نے اس کی بنیاد پر آئینی ترمیم کر دی تو یہ غلط کیسے ہو سکتا ہے۔
کسی کو پارلیمنٹ کی عزت اور توقیر کو مجروح کرنے کا حق حاصل نہیں،اسپیکر قومی اسمبلی
واضح رہے گزشتہ روز جوڈیشل کمیشن نے سپریم کورٹ میں 6 ججز کی تعیناتی کی منظوری دی تھی، تاہم جسٹس منصور اور جسٹس منیب اختر نے جوڈیشل کمیشن کے اجلاس کا بائیکاٹ کیا تھا۔