فلسطینی تنظیم حماس اور اسرائیل کے درمیان قیدیوں کے تبادلے کے حوالے سے نیا معاہدہ ہو گیا ہے۔
فریقین نے 600 سے زائد فلسطینی قیدیوں کی رہائی اور 4 اسرائیلی مغویوں کی لاشوں کے تبادلے پر اتفاق کر لیا۔ 600 سے زائد فلسطینیوں کی رہائی اسرائیل نے روک دی تھی تاہم آج رہا کیے جانے کا امکان ہے۔
قید کے دوران حسن سلوک ، اسرائیلی یرغمالی نے حماس کے اہلکاروں کا ماتھا چوم لیا
اسرائیلی میڈیا نے بھی جنگ بندی ڈیل میں رکاوٹ دور ہونے کی تصدیق کرتے ہوئے بتایا کہ فلسطینی قیدی آج رہا کیے جانے کا امکان ہے جس کے بعد حماس 4 اسرائیلی مغویوں کی لاشیں مصر کے ذریعے اسرائیل کے حوالے کرے گا۔
نئے معاہدے کے مطابق حماس لاشیں حوالے کرنے کی تقریب منعقد نہیں کرے گی۔ دوسری جانب امریکی ایلچی اسٹیو وٹکوف کا کہنا ہے کہ اسرائیلی نمائندے غزہ جنگ بندی کے دوسرے مرحلے پر مذاکرات کے لیے روانہ ہو چکے ہیں۔