دبئی: انٹرنیشنل کرکٹ کونسل (آئی سی سی) نے ون ڈے پلیئرز رینکنگ جاری کر دی۔
آئی سی سی کی رینکنگ کے مطابق ون ڈے میں بلے بازوں کی فہرست میں بھارتی کھلاڑی شبھمن گل کا پہلا نمبر برقرار ہے۔ جبکہ بابر اعظم دوسری پوزیشن پر ہیں۔ بھارتی کھلاڑی روہت شرما دو درجہ بہتری کے بعد تیسرے نمبر پر آگئے۔
جنوبی افریقہ کے ہینرک کلاسن کا چوتھا اور ویرات کوہلی پانچویں نمبر پر ہیں۔
ون ڈے میں بالز رینکنگ میں سری لنکا کے مہیش تھیکشانہ پہلی پوزیشن پر آ گئے۔ جبکہ نیوزی لینڈ کے کپتان مچل سینٹنر بہترین کھیل پیش کرنے کے بعد 6 سے دوسرے نمبر پر پہنچ گئے۔
بھارتی اسپن بالر کلدیپ یادیو تین درجہ بہتری کے بعد تیسرے نمبر پر آ گئے۔ جبکہ جنوبی افریقہ کے کیشو مہراج چوتھے اور نامیبیا کے برنارڈ اسکالٹز پانچویں نمبر پر آ گئے۔ قومی ٹیم کے فاسٹ باؤلر شاہین شاہ آفریدی نویں نمبر پر ہیں۔
یہ بھی پڑھیں: کھلاڑیوں کو سفارش اور پیسے لے کر کھلایا جاتا ہے، شاہد آفریدی
ون ڈے آل راؤنڈز رینکنگ میں افغانستان کے عظمت اللہ عمرزئی پہلے نمبر پر برقرار ہیں۔ اور افغانستان کے ہی محمد نبی دوسرے اور زمبابوے کے سکندر رضا تیسری پوزیشن پر ہیں۔
نیوزی لینڈ کے کپتان مچل سینٹنر ایک درجہ بہتری کے ساتھ چوتھے نمبر پر آگئے۔