پاکستان اور افغانستان کے جرگے نے طورخم سرحد کو آج 25 روز بعد کھولنے کا فیصلہ کیا ہے۔
سکیورٹی ذرائع کے مطابق پاک افغان سکیورٹی حکام کی فلیگ میٹنگ آج طورخم سرحد پر ہو گی، جس کے بعد طورخم تجارتی گزرگاہ کھول دی جائے گی۔
جرگہ ذرائع کا کہنا ہے کہ افغان حکام نے متنازع تعمیرات بند کرنے پر رضامندی ظاہر کی ہے، جے سی سی اجلاس تک فائر بندی اور متنازع تعمیرات پر کام بند ہو گا۔
پاک افغان عمائدین کا جرگہ ، طورخم سرحد پر سیز فائر پر اتفاق
جرگہ ممبر کے مطابق 2 روز قبل پاکستان اور افغان جرگہ کے درمیان حتمی نشست ہوئی تھی۔
واضح رہے افغان فورسز کی پاکستانی حدود میں تعمیرات پر کشیدگی پیدا ہوئی تھی، جس کے باعث طورخم تجارتی گزرگاہ ہرقسم آمدورفت کے لئے بند کر دی گئی تھی۔ سرحد بند ہونے سے سرحد کے دونوں جانب ہزاروں کار گو گاڑیاں پھنس گئی ہیں۔