چمن اورگردونواح میں گرج چمک کیساتھ بارش، پشاور میں بوندا باندی اور یخ بستہ ہوائیں چلنا شروع ہوگئیں۔
محکمہ موسمیات کے مطابق خیبرپختونخوا، گلگت بلتستان، کشمیراور خطہ پوٹھوہارمیں چند مقامات پر تیز ہواؤں اور گرج چمک کیساتھ بارش اور ملک کے دیگرعلاقوں میں موسم خشک جبکہ میدانی علاقوں میں دن کے اوقات میں گرم رہنے کی توقع ہے۔
ملک میں معمول سے کم بارشیں، خشک سالی کا خطرہ
اسلام آباد اور گرد و نواح میں مطلع جزوی ابرآلود رہنے کے علاوہ تیز ہواؤں اور گرج چمک کے ساتھ بارش کی پیشگوئی ہے، مری، گلیات اور گرد و نواح میں مطلع ابرآلود رہنے کے علاوہ تیز ہواؤں اور گرج چمک کے ساتھ بارش کی توقع ہے۔
پنجاب کے بیشتر اضلاع میں موسم خشک جبکہ دن کے دوران گرم رہنے کی توقع ہے، راولپنڈی، اٹک، چکوال، جہلم میں آندھی اور گرج چمک کے ساتھ بارش ہونے کا امکان ہے۔