پنجاب حکومت نے بھکر اور بہاولنگر میں ایئرپورٹ بنانے کا اصولی فیصلہ کیا ہے۔
وزیر اعلیٰ پنجاب مریم نواز کی زیر صدارت صوبائی کابینہ کا اجلاس ہوا، اجلاس میں پنجاب میں اسپیشل افراد، بزرگ اور طلبا کیلئے مفت سفر کی سہولت کی منظوری دی گئی ،اجلاس میں طلبا کیلئے ٹرانسپورٹ کارڈ جاری کرنے کی تجویز کا جائزہ بھی لیا گیا۔
این اے 213 ضمنی انتخاب:امیدواروں کی حتمی فہرست جاری
وزیراعلیٰ مریم نواز نے چکن کے نرخ کم کرنے کیلئے موثر اقدامات کی ہدایت کی ،جنسی جرائم کیلئے اسپیشل انوسٹی گیشن یونٹس کے قیام کی منظوری دی گئی، اس کے علاوہ ضلع بھکر میں ائیر ایمبولینس سروس کیلئے ائیر اسٹرپ کی تعمیر کے فنڈز کی منظوری بھی دیدی گئی۔
اجلا س میں پنجاب کی ایئر لائن سروس کے آغاز کی تجویز کا جائزہ لیاگیا،وزیراعلیٰ پنجاب مریم نوازنے ٹریفک چالان، جرمانے کی وصولی یقینی بنانے کا حکم دیا،انہوں نے ٹریفک چالان کی عدم ادائیگی پر زیروٹالرنس پالیسی اپنانے کی ہدایت کی۔
وزیراعلیٰ پنجاب مریم نواز نے لیگل ریفامز کیلئے پلان طلب کر لیا،کابینہ نے نئے ایڈووکیٹ جنرل امجد پرویز کی تعیناتی کا خیر مقدم کیا۔
اس موقع پر مریم نواز کا کہنا تھا کہ حکومت آتے ہی سفارشوں کی لائن لگ گئی لیکن کسی سفارش پر عمل نہیں کیا،لاء آفیسرز کی 100فیصد میرٹ پر تعیناتی ہونی چاہیے،لاء آفیسرز کی بھرتی پر انگلی نہیں اٹھنی چاہیے۔
زرمبادلہ کے سرکاری ذخائر میں 54 کروڑ ڈالرز کی کمی
زیادتی کے واقعات کا سن کر سرشرم سے جھک جاتا ہے،پنک سالٹ پاکستان کا ہے ، پیکجنگ کرکے دوسرے ممالک فائدہ اٹھارہے ہیں،شہریوں نے نگہبان رمضان پر نہایت مثبت رسپانس دیا ہے۔
25لاکھ 64ہزار گھرانوں کو نگہبان رمضان پیکج کے چیک مل چکے ،خوشی ہوئی کہ وفاق اور دیگر صوبوں نے پنجاب کے رمضان پیکج کو فالو کیا،جلد 15لاکھ گھرانوں کو راشن کارڈ دینے جارہے ہیں۔
انہوں نے مزید کہا کہ کسی صوبے کا پانی نہیں لے رہے،جواب دیں گے،وزیراعلیٰ مریم نواز نے عیدالفطر پراشیائے خورونوش کے نرخ پر کنٹرول رکھنے کی ہدایت کی۔
وزیر اعلیٰ کا کہنا تھا کہ پہلی بار رمضان میں قیمتیں کنٹرول میں رہیں،پہلی بار رمضان میں لائنز نہیں لگی اوردھکم پیل نہیں ہوئی،15سال میں سستا ترین رمضان بازار لگانے پر سلمیٰ بٹ اورپوری ٹیم کو شاباش دیتی ہوں۔
صوبائی کابینہ نے 40ہزاراسپیشل طلبا کو وزیراعلیٰ مریم نواز کی طرف سے عید گفٹ دینے پر خراج تحسین پیش کیا،طلبا کیلئے گریڈ نگ سسٹم کیلئے ورلڈ بینک سے معاہدہ سائن کرنے کی منظوری دی گئی ۔
چیئرمین این آئی آر سی جسٹس (ر) شوکت عزیز صدیقی نے عہدہ چھوڑنے کا فیصلہ واپس لے لیا
پنجاب فرٹیلائزر کنٹرول ایکٹ کی خلاف ورزی پر جرمانے بڑھا دیئے گئے،پنجاب آرمز آرڈیننس کی خلاف ورزی پر جرمانے اور سزا مزید سخت کی جائے گی۔
پیدائش اور ڈیٹھ رجسٹریشن سرٹیفکیٹ کی فیس ایک سال کیلئے معاف کر دی گئی،نادار اور مستحق افراد کو مفت قانونی امداد کیلئے پنجاب لیگل ایڈ رولز میں ترمیم کی منظوری دیدی گئی۔
وزیراعلیٰ مریم نواز نے پنجاب میں چاول کی2 فصلیں کاشت کرنے کی پابندی کی تجویز کو مسترد کر دیا،664بصارت سے محروم افراد کو ڈیلی ویجز پر ایڈجسٹ کرنے کی منظوری دی گئی۔
پنجاب کرائم کنٹرول ڈیپارٹمنٹ میں 3904 آسامیوں کے قیام کی منظوری کے علاوہ شیخ زید میڈیکل کالج اوراسپتال، رحیم یار خان کے کارڈیک سینٹر کیلئے ایڈہاک بھرتیوں کی اجازت دی گئی۔
سونا 3200 روپے مہنگا،فی تولہ 3 لاکھ 21 ہزار روپے کا ہوگیا
پنجاب لائف انشورنس کمپنی میں کلیدی عہدوں پر بھرتی کیلئے سلیکشن کمیٹی،محکمہ خزانہ کے ا سپیشلائزڈ یونٹ میں خالی آسامیوں پر نئی بھرتیوں،فسادات سے نمٹنے کیلئے 2ہزار نفری پر مشتمل رائٹ مینجمنٹ پولیس کے قیام ،کرائم کنٹرول ڈیپارٹمنٹ کے قیام کی منظوری بھی دیدی گئی۔