Getty Imagesپاکستانی کھلاڑی نسیم شاہ نے بھی میچ کے دوران کیچ چھوڑا تھا۔
پاکستان اور نیوزی لینڈ کے درمیان تین میچوں پر مشتمل ون ڈے سیریز کے پہلے میچ میں نیوزی لینڈ نے پاکستان کو 73 رنز سے شکست دے کر سیریز میں 0-1 کی برتری حاصل کر لی ہے۔
نیوزی لینڈ کے شہر نیپیئر میں کھیلے جانے والے میچ میں پاکستان کرکٹ ٹیم کے کپتان محمد رضوان نے ٹاس جیت کر نیوزی لینڈ کو پہلے بیٹنگ کی دعوت دی۔
نیوزی لینڈ نے مقررہ 50 اوورز میں نو وکٹوں کے نقصان پر 344 رنز بنائے۔ نیوزی لینڈ کی جانب سے مارک چیپمین نے سنچری سکور کی۔ انھوں نے 111 گیندوں پر 132 رنز بنائے۔
نیوزی لینڈ کی جانب سے ون ڈے میں ڈیبیو کرنے والے پاکستانی نژاد بلے باز محمد ارسلان عباس نے 26 گیندوں پر 52 رنز بنائے جس میں تین چھکے اور تین چوکے شامل تھے۔
پاکستان کی جانب سے عرفان خان نے پانچ اوورز میں 51 رنز کے عوض تین وکٹیں حاصل کیں، جبکہ حارث رؤف اور عاکف جاوید نے دو دو کھلاڑیوں کو آؤٹ کیا۔
پاکستان کی بیٹنگ کا آغاز تو اچھا رہا اور اوپنرز نے 83 رنز کی شراکت داری قائم کی۔ اوپنر عثمان خان 33 گیندوں پر 38 رنز بنا کر آؤٹ ہو گئے اور مجموعی سکور میں صرف پانچ رنز کے اضافے کے بعد دوسرے اوپنر عبداللہ شفیق بھی چلتے بنے۔
اس کے بعد بابر اعظم اور محمد ضوان نے ٹیم کو تھوڑا سنبھالا اور تیسری وکٹ کی شراکت میں 78 رنز بنائے۔ کپتان محمد رضوان 30 رنز بنا کر آوٹ ہوئے۔
پاکستان کی جانب سے سب سے زیادہ رنز بابر اعظم نے بنائے جو 83 گیندوں پر 78 بنا کر آؤٹ ہوئے۔ ای ایس پی این کرک انفو کے مطابق یہ ان کی 2016 کے بعد ون ڈے میچز میں پہلی نصف سنچری ہے۔
بابر اعظم کے بعد وکٹیں کے گرنے کا سلسلہ وقفے وقفے سے جاری رہااور پاکستان کی آخری چھ وکٹیں محض 22 رنز کے اضافے کے عوض گریں۔۔ پاکستان کی جانب سے دوسرے سب سے نمایاں بلے باز سلمان علی آغا رہے، انھوں نے 48 گیندوں پر 58 سکور بنائے۔
مارک چیمپین اپنی شاندار سنچری کے لیے پلیئر آف دی میچ قرار پائے۔
خیال رہے کہ اس سے قبل دونوں ممالک کے مابین نیوزی لینڈ میں کھیلی جانے والی پانچ ٹی ٹوئنٹی میچز کی سیریز نیوزی نے 1-4 سے اپنے نام کر لی تھی۔
’کیچ چھوڑنے کی بیماری کب ختم ہوگی؟‘
سوشل میڈِا پر جہاں لوگ بابر اعظم اور سلمان علی آغا کی بیٹنگ کی تعریف کرتے نظر آئے وہیں کئی صارفین نے ایک بار پھرپاکستان کی بیٹنگ پر سوال اٹھائے۔
عروج جاوید نامی صارف پوچھتی ہیں کہ ’پاکستان ٹیم کی کیچ چھوڑنے کی بیماری کب ختم ہو گی؟‘
یاد رہے کہ میچ کے دوران سلمان علی آغا نے محمد علی کی گیند پر مارک چیپمین کا کیچ اس وقت چھوڑ دیا تھا جب وہ محض پانچ پر کھیل رہے تھے۔ چیمپین نے اس میچ میں 132 رنز بنائے۔
اس کے علاوہ میچ کے دوران پاکستانی کھلاڑی نسیم شاہ نے بھی ایک کیچ چھوڑا تھا۔
ایک اور صارف کا کہنا تھا کہ ’جب کیچز چھوڑیں گے تو یہی نتیجہ ہو گا۔‘
محمد ارسلان عباس کے چرچے
نیوزی لینڈ کی جانب سب سے رنز تو مارک چیپمین نے بنائے لیکن سوشل میڈیا پر چرچے اپنا ون ڈے ڈیبیو کرنے والے محمد عباس کے ہیں۔
محمد ارسلان عباس نے دھویں دار بیٹنگ کا مظاہرہ کرتے ہوئے 26 گیندوں پر 52 رنز بنائے جس میں تین چھکے اور تین چوکے شامل تھے۔
اپنا پہلا ون ڈے کھیلنے والے 21 محمد ارسلان عباس 2003 میں پاکستان کے شہر لاہور میں پیدا ہوئے۔ ان کے والد اظہر عباس بھی فرسٹ کلاس کر کٹر رہ چکے ہیں جنھوں نے پاکستان اور نیوزی لینڈ دونوں ملکوں میں فرسٹ کلاس کرکٹ کھیلی ہے۔
ساجد خان: فوجی کا بیٹا جو ’ہر بار پرفارم کرنے پر ٹیم سے باہر ہو جاتا ہے‘’تحمل اور تسلسل کوئی راکٹ سائنس تو نہیں‘نیشم کی پانچ وکٹوں کے بعد سائفرٹ کا لاٹھی چارج: ’ہم اب کرکٹ کھیلتے ہی کیوں ہیں‘پاکستان نیوزی لینڈ سیریز: ’ایک ہی سال میں تین کپتان کھا جانے والی بے یقینی اور سلمان علی آغا‘
عباس کی کارکردگی پر تبصرہ کرتے ہوئے کرکٹ تجزیہ کار عاطف نواز کا کہنا تھا کہ نیوزی لینڈ کے محمد عباس نے کا شاندار ڈیبیو کیا ہے۔ ’لاہور میں پیدا ہونے والے 21 سالہ نوجوان نے اپنی پیدائش والے ملک کے خلاف صرف 24 گیندوں پر نصف سنچری بنائی اور نیوزی لینڈ کو اتنا بڑا سکور کرنے میں مدد دی۔‘
میچ کے بعد اپنی اننگز کے بارے میں بات کرتے ہوئے عباس کا کہنا تھا کہ، ’یہ بہت خاص تھا، میں ابھی اپنے جذبات لفظوں میں بیان نہیں کر سکتا۔‘
ان کا کہنا تھا کہ جب میں کھیلنے کے لیے میدان میں آیا تو مجھے شائقین کی تالیوں کی آوازیں آ رہی تھیں اور میں صرف اپنے والد کی محنت کے بارے مِیں سوچ رہا تھا۔
’محمد عباس، یہ نام یاد رکھنا‘Getty Imagesسوشل میڈیا پر ہر طرف صارفین نیوزی لینڈ کی طرف سے ڈیبیو کرنے والے پاکستانی بلے باز کی کارکردگی کے گن گاتے نظر آئے۔
سوشل میڈیا پر ہر طرف صارفین نیوزی لینڈ کی طرف سے ڈیبیو کرنے والے پاکستانی بلے باز کی کارکردگی کے گن گاتے نظر آئے۔
ایکس پر ایک صارف عثمان خان کا کہنا تھا کہ عباس نے کھیل کے آخری اوورز میں پاکستان کے چوٹی بالرز کے خلاف ایک دلیرانہ اننگ کھیلتے ہوئے نیوزی لینڈ کا سکور 344 رنز تک پہنچا دیا۔
’یہ نام یاد رکھنا۔‘
’لاہور میں پیدا ہونے والے عباس نے اپنے ٹیلنٹ کا مظاہرہ پاکستان ہی کے خلاف کیا‘
ایک اور صارف کا کہنا تھا کہ محمد عباس نے ظاہر کر دیا ہے کہ ان کا انٹرنیشنل کرکٹ میں مستقبل شاندار ہے۔ان کا کہنا تھا کہ عباس بیٹنگ کے علاوہ درمیانی رفتار سے بھی بالنگ بھی کر سکتے ہیں۔
سہیل عمران نامی صارف نے ٹویٹ کرتے ہوئے کہا کہ لاہور میں پیدا ہونے والے بلے باز نے اپنے ٹیلنٹ کا مظاہرہ پاکستان کے ہی خلاف کیا۔
پاکستان کی نیوزی لینڈ کے خلاف نو وکٹوں سے فتح: حسن نواز جنھوں نے سب سے تیز سنچری بنا کر بابراعظم کا ریکارڈ توڑاساجد خان: فوجی کا بیٹا جو ’ہر بار پرفارم کرنے پر ٹیم سے باہر ہو جاتا ہے‘پاکستانی کرکٹ ٹیم سے بڑے نام ڈراپ: ’پی سی بی کے غلط فیصلوں کا بوجھ اب نئے کھلاڑی اٹھائیں گے‘چیمپیئنز ٹرافی کی اختتامی تقریب میں پاکستانی نمائندگی کی ’عدم موجودگی‘ پر فینز حیران: ’ہم صرف کاغذ پر ہی میزبان تھے‘اظہر الدین: ’کلائی کے جادوگر‘ انڈین کپتان جن کا کیریئر میچ فکسنگ کے الزام کی نذر ہوابریتھوٹ کے ’بائیسیپ‘ پاکستان کے لیے بھی کافی تھے