سعو دی عرب، متحدہ عرب امارات، قطر اور دیگر ممالک میں آج عیدالفطر مذہبی جوش و جذبے کیساتھ منائی جا رہی ہے۔
مسجدالحرام، مسجد نبوی ﷺ اور مسجد اقصیٰ میں نماز عید کے بڑے اور روح پرور اجتماعات ہوئے جس میں لاکھوں افراد نے شرکت کی۔
مسجد الحرام میں امام کعبہ الشیخ عبدالرحمان السدیس نے نماز عید کا خطبہ اور امامت کروائی جبکہ مسجد نبویﷺ میں امام شیخ عبداللہ نے عیدالفطر کی نماز پڑھائی۔
پاکستان کی بوہرہ برادری آج عید الفطر مذہبی جوش و جذبے سے منا رہی ہے
دبئی کے علاقے القصص میں 15 ہزار افراد نے عیدالفطر کی نماز ادا کی جس میں خواتین اور بچے اور بچے بھی شریک ہوئے، ابوظہبی، شارجہ اور دیگر ریاستوں میں بھی نمازِ عید کے اجتماعات ہوئے۔