"حبا نے مجھے یہ احساس دلایا کہ میں اہم ہوں، اور جب آپ کو یہ معلوم ہو کہ آپ کسی کے لیے معنی رکھتے ہیں، تو آپ ایک نئی زندگی جیتے ہیں!"

پاکستانی اداکار عریز احمد نے حال ہی میں اپنی اہلیہ حبا بخاری کے بارے میں ایسا جذباتی انکشاف کیا کہ وہ خود بھی آنکھوں میں آنسو لیے رہ گئیں۔

عریز احمد سماء ٹی وی کے عید شو میں شریک ہوئے، جس کی میزبانی مدیحہ نقوی کر رہی تھیں۔ شو کے دوران انہوں نے اپنی زندگی میں حبا بخاری کی اہمیت اور ان کی شخصیت پر پڑنے والے مثبت اثرات پر کھل کر بات کی۔

"میں غصے والا تھا، مگر حبا نے سب بدل دیا!"

اپنے بدلے ہوئے مزاج کے بارے میں بات کرتے ہوئے عریز احمد نے کہا، "میں پہلے زیادہ غصے والا تھا، اور اس کی وجہ شاید خود پر شک تھا۔ مگر حبا نے مجھے یہ احساس دلایا کہ میں اہم ہوں، کہ میں معنی رکھتا ہوں۔ جب آپ کو کسی کے لیے اپنی اہمیت کا احساس ہو، تو آپ ایک نئی شخصیت کے ساتھ جی اٹھتے ہیں!"

حبا بخاری جذباتی ہوگئیں

یہ سن کر حبا بخاری بےحد جذباتی ہوگئیں اور ان کے چہرے پر خوشگوار حیرت کے آثار نمایاں تھے۔ ان کا کہنا تھا، "اوہ! یہ بہت سوئیٹ ہے، میں واقعی جذباتی ہوگئی!"

مداحوں کی جانب سے شاندار ردعمل

یہ جذباتی لمحہ سوشل میڈیا پر وائرل ہوگیا، جہاں مداحوں نے عریز احمد کے خلوص اور حبا بخاری کی سادگی کو بےحد سراہا۔ کچھ نے اسے "محبت کی بہترین مثال" کہا، جبکہ کچھ نے لکھا کہ "یہ جوڑی حقیقت میں بھی ایک پرفیکٹ لو اسٹوری ہے!"