اسلام آباد فوڈ اتھارٹی نے ترنول میں چھاپہ مار کارروائی کے دوران گدھے کا 25 من گوشت برآمد کرلیا۔
ترجمان فوڈ اتھارٹی کے مطابق چھاپے کے دوران 50 سے زائد گدھے بھی برآمد ہوئے ہیں، ابتدائی طور پر بتایا گیا ہے کہ گوشت بیرون ملک سپلائی کیا جاتا تھا تاہم اس سلسلے میں تحقیقات کی جارہی ہیں۔
ڈائریکٹرفوڈ اتھارٹی کی جانب سے ملوث افراد کے خلاف مقدمہ کرایا اور گدھے کا گوشت تلف کیا جا رہا ہے۔
ڈپٹی ڈائریکٹر ڈاکٹر طاہرہ صدیق کے مطابق چھاپے کے دوران 25 من گوشت برآمد کیا گیا جبکہ موقع پر موجود غیرملکی شہری کو پولیس کے حوالے کردیا
گیا ہے۔
انہوں نے بتایا کہ گوشت کن علاقوں میں سپلائی کیا گیا ہے اس متعلق پکڑے گئے شخص سے تفتیش کی جارہی ہے۔