پاکستان میں حکومت نے پیٹرول سستا جبکہ ڈیزل مزید مہنگا کر دیا

پاکستان میں حکومت نے پیٹرولیم مصنوعات کی قیمت میں ردوبدل کا اعلان کیا ہے۔جمعرات کی رات خزانہ ڈویژن کی جانب سے پیٹرولیم مصنوعات کی قیمتوں میں کمی کا نوٹی فیکیشن جاری کیا گیا۔

نوٹی فیکیشن کے مطابق ’پیٹرول کی فی لیٹر قیمت میں 7 روپے 54 پیسے کی کمی کی گئی ہے جس کے بعد یہ فی لیٹر نئی قیمت 264 روپے 61 پیسے پر فروخت ہوگا۔‘اس سے قبل پیٹرول فی لیٹر 272 روپے 15 پیسے کے حساب سے فروخت ہو رہا تھا۔اسی نوٹی فیکیشن میں بتایا گیا ہے کہ ہائی سپیڈ ڈیزل کی قیمت میں 1 روپیہ 48 پیسے کا اضافہ کیا گیا ہے جو اس سے قبل فی لیٹر 284 روپے 35 پیسے کے حساب سے فروخت کیا جا رہا تھا۔‘حکام نے بتایا ہے کہ ’ہائی سپیڈ ڈیزل کی نئی قیمت فی لیٹر 285 روپے 83 پیسے مقرر کی گئی ہے۔‘خزانہ ڈویژن کے نوٹی فیکیشن میں کہا گیا ہے کہ پیٹرولیم مصنوعات کی نئی قیمتوں کا اطلاق جمعرات اور جمعے کی درمیانی رات 12 بجے سے ہو گیا ہے اور یہ قیمتیں آئندہ 15 روز کے لیے برقرار رہیں گی۔اوگرا کے حکام کا کہنا ہے کہ ’پیٹرولیم مصنوعات کی قیمتوں میں ردوبدل عالمی مارکیٹ میں اُتار چڑھاؤ کو مدنظر رکھ کر کیا گیا ہے۔‘