Getty Images
سعودی عرب نے اعلان کیا ہے کہ وہ ملک کے لاکھوں اونٹوں کو پاسپورٹ جاری کر رہا ہے، حکام کا کہنا ہے کہ اس اقدام سے ملک کے قیمتی جانوروں کو بہتر طریقے سے سنبھالنے میں مدد ملے گی۔
سعودی حکام کے مطابق اس اقدام سے اونٹ پالنے کے اثرات میں اضافہ ہو گا اور جانوروں کی شناخت اور ملکیت کے حوالے سے ایک قابل اعتماد معلوماتی اثاثہ پیدا ہو گا۔
وزارت ماحولیات، پانی اور زراعت کی جانب سے سوشل میڈیا پر پوسٹ کی گئی ایک ویڈیو میں دستاویز کی تصویر بھی دکھائی گئی۔ اس میں ایک سبز پاسپورٹ دکھایا گیا، جس میں ملک کے کوٹ آف آرمز اور اونٹ کی سنہری تصویر ہے۔
2024 میں، حکومت نے اندازہ لگایا تھا کہ سعودی عرب میں تقریباً 22 لاکھ اونٹ ہیں، جو ہر سال ملک کی معیشت میں 2 ارب ریال سے زیادہ کا حصہ ڈالتے ہیں۔
عرب نیوز کے مطابق دنیا بھر میں تقریباً تین کروڑ 50 لاکھ اونٹ ہیں جن میں سے ایک کروڑ 70 لاکھ عرب دنیا میں ہیں۔ عرب ممالک میں صومالیہ پہلے نمبر پر ہے، اس کے بعد سوڈان، موریطانیہ، سعودی عرب اور یمن ہیں۔
اونٹ سعودی عرب کے قومی نشان کا حصہ ہے۔ ملک میں اونٹوں کی خوبصورتی کے مقابلے اور شوز بھی منعقد ہوتے ہیں، جہاں بہترین اونٹوں کو انعامات سے نوازا جاتا ہے۔
قومی دنوں، خاص اور تاریخی مواقع پر سعودیوں کی نمائش اونٹوں کی موجودگی کے بغیر نامکمل ہے۔
سعودی عرب اور عرب خلیجی ممالک میں بالعموم اونٹوں کے کردار کی طویل تاریخ ہے۔
Getty Imagesدارالحکومت ریاض سے تقریباً 150 کلومیٹر مشرق میں رامہ میں سالانہ فیسٹیول میں اونٹ سوار نظر آ رہے ہیںاونٹوں کی تاریخ
اگر ہم مختصر تاریخ پر نظر ڈالیں تو ہمیں 20ویں صدی کے ابتدائی برسوں کی تصاویر ملتی ہیں جن میں دکھایا گیا ہے کہ اونٹ مذہب اسلام کے مقدس شہروں مکہ اور مدینہ کی سیر کے لیے سفر کا واحد ذریعہ تھے۔
افغانستان، وسطی ایشیا، جنوبی ایشیا، حتیٰ کہ مشرق بعید سے زائرین اور زائرین کے قافلے اونٹوں پر طویل سفر کے بعد سعودی عرب پہنچتے تھے۔
خلیج کے بنجر صحراؤں میں نقل و حمل کے لیے اونٹوں کے استعمال کی روایت صدیوں پرانی ہے۔
اونٹوں کی دوڑ: سعودی ثقافت کا حصہ وہ کھیل جس میں انعامی رقم لاکھوں ریال تک ہوتی ہےگاؤں گاؤں جا کر بچوں میں کتابیں تقسیم کرنے والی ’اونٹ لائبریری‘سعودی عرب: اونٹوں کے مقابلہ حسن میں 'بوٹوکس' کے استعمال کے باعث کم از کم 40 اونٹ نااہلمحمد بن سلمان کا وژن 2030: مستقبل کے جدید شہر کے بعد دنیا کے سب سے بڑے ایئرپورٹ کی تعمیر کا منصوبہ کیا ہے؟
ایک تحقیق سے معلوم ہوا ہے کہ سعودی عرب میں پتھروں پر کندہ اونٹوں کے مجسمے دنیا میں جانوروں کی سب سے قدیم ترین تصویریں ہو سکتی ہیں۔
جب 2018 میں پہلی بار کھدائی کی گئی تو محققین نے اندازہ لگایا کہ یہ تقریباً 2000 سال قبل تعمیر کیے گئے تھے۔
یہ اندازہ اردن کے مشہور قدیم شہر پیٹرا میں پائے جانے والے نوادرات سے مماثلت کی وجہ سے لگایا گیا لیکن بعد میں ہونے والی تحقیق نے ان اونٹوں کی عمر 7000 سے 8000 سال بتائی۔
پتھروں کے نقش و نگار کی صحیح عمر کا تعین کرنا محققین کے لیے ایک بڑا چیلنج رہا ہے کیونکہ، غار کی پینٹنگز کے برعکس، نمونے کے لیے اکثر کوئی نامیاتی مواد نہیں ہوتا۔ خطے میں اس سطح پر راک آرٹ تلاش کرنا بھی نایاب ہے۔
ستمبر 2021 میں بین الاقوامی محققین کی ایک ٹیم نے اپنے نتائج کو جرنل آرکیالوجیکل سائنس میں شائع کیا۔ انھوں نے مجسمے کی نئی تاریخ کا تعیّن کرنے کے لیے علاقے میں پائے جانے والے تباہی کے نمونوں، نشانات اور جانوروں کی ہڈیوں کا تجزیہ کیا۔
Getty Images1930 میں مکہ جاتے ہوئے ایک قافلہ
ان یادگاروں کی قدیمی مدت انھیں پتھر کے زمانے سے بھی زیادہ پرانی بناتی ہے جو کہ 5,000 سال پرانا ہے یا مصر کے اہرام گیزا سے بھی پرانا جو 4,500 سال پرانے ہیں۔
یہ یادگاریں اونٹوں کو بطور پالتو جانور پالنے سے پہلے بھی تعمیر کی گئی تھیں جو اس علاقے کی معاشی ترقی کا ایک اہم عنصر تھا۔
جس وقت یہ مجسمے بنائے گئے اس وقت سعودی عرب ایسا نہیں تھا جیسا کہ آج ہے۔ آج کے صحراؤں کے بجائے جھیلوں کے ساتھ وسیع سبز اور گھاس والے علاقے تھے۔
ابھی تک یہ واضح نہیں کہ اونٹوں کے یہ مجسمے کیوں بنائے گئے تھے لیکن محققین کا خیال ہے کہ یہ خانہ بدوش قبائل کی ملاقات کی جگہ رہی ہو گی۔
سعودی مؤرخ اور ریاض اخبار کے کالم نگار بدر بن سعود کا کہنا ہے کہ اونٹ صدیوں سے جزیرہ نما عرب میں زندگی کا لازمی حصہ رہے ہیں۔ ’اونٹوں کے بغیر اس خشک اور جھلستے صحرا میں زندہ رہنا ناممکن تھا۔‘
اس ضرورت کی وجہ سے عرب دنیا میں معیشت، ثقافت اور زندگی کے دیگر پہلوؤں میں اونٹ کی شراکت ہوئی۔ جیسا کہ بدر بن سعود کہتے ہیں ’اسلام سے پہلے کے دور میں ترفت ابن العبد جیسے شاعروں نے اونٹ کا ذکر اپنی نظموں میں کیا تھا۔‘
ڈاکٹر بدر بن سعود کے مطابق ’اونٹوں نے انسانی زندگی میں ایسا کردار ادا کیا کہ انھیں نظر انداز نہیں کیا جا سکتا۔ یہی وجہ ہے کہ ’پیغمبر اسلام کے پاس بھی ایک اونٹ تھا جس کا نام (قصوا) تھا۔‘
Getty Images20ویں صدی کے وسط میں، تیل کے کنویں کے قریب اونٹوں کا ایک ریوڑ، جو سعودی عرب اور ایک امریکی کمپنی کے درمیان مشترکہ منصوبہ ہے
اگرچہ نقل و حمل کے لیے اونٹوں کی ضرورت کم ہو گئی ہے لیکن عرب رہنماؤں اور ان کے درمیان محبت اور تاریخی تعلق برقرار ہے۔
جدید سعودی عرب کے بانی شاہ عبدالعزیز کے پاس اونٹوں کا ایک ریوڑ تھا جسے ’الرمات‘ کہا جاتا تھا اور ایک خاص اونٹ جسے ’الدویلا‘ کہا جاتا تھا۔
شاہ سلمان بھی اونٹوں کو بڑے چاہنے والے ہیں۔
بدر بن سعود کہتے ہیں کہ ’بادشاہ نے ایک بار شہزادہ سعود بن محمد سے کہا کہ وہ انھیں اپنے خوبصورت اونٹوں میں سے ایک (منقیہ) دعوت پر بھیج دیں۔ سعودی ولی عہد شہزادہ محمد بن سلمان کے پاس (الشرف) نامی ایک خوبصورت اور اچھی نسل کا اونٹ بھی ہے۔‘
اونٹوں کو ’صحرا کے بحری جہاز‘ کہا جاتا ہے کیونکہ ہر اونٹ 400 کلوگرام کا بوجھ اٹھا سکتا ہے۔
گاڑیوں اور دیگر جدید ذرائع آمدورفت کی عدم موجودگی میں مکہ میں قریش کے سرداروں کے قافلے ان اونٹوں پر شام (موجودہ شام) اور یمن کا سفر کرتے تھے۔
’عقلات‘ کہلانے والے تاجر 400 سال پہلے انڈیا، ترکی، مراکش اور نائیجیریا تک اونٹوں کی تجارت کرتے تھے۔
چند دہائیاں قبل بھی اونٹوں کو تیل نکالنے اور صاف کرنے میں استعمال کیا جاتا تھا۔
Getty Images2018 میں شاہ عبدالعزیز کے اونٹ شو میں 30 ہزار اونٹ لائے گئے تھے
رنگ کی بنیاد پر اونٹوں کو کئی اقسام میں تقسیم کیا گیا ہے۔
اونٹ بھورے سے سرخ رنگ کے ہوتے ہیں۔ اونٹوں کے ماہرین کا کہنا ہے کہ عمان اور سوڈان کے اونٹ اپنی دوڑنے کی صلاحیت کے لیے مشہور ہیں جبکہ سعودی عرب کے ساحلی علاقوں کے اونٹ دودھ کی وافر پیداوار کے لیے مشہور ہیں۔
دولت مند سعودی عرب جو اب دنیا کے تکنیکی اور جدید دور کا مقابلہ کرنے کے لیے بھاری سرمایہ کاری کر رہا ہے، اونٹوں کی تاریخی قدر اور ثقافتی رنگ کو اس مقابلے کا حصہ بنانے کی کوشش کر رہا ہے۔
فی الحال (سوانی) نامی کمپنی اونٹ کے دودھ اور پاؤڈر کی صنعت میں سرمایہ کاری کر رہی ہے اور اپنی مصنوعات پہلے ہی 25 ممالک کو برآمد کر چکی ہے۔ وہ اونٹنی کے دودھ سے آئس کریم بھی بناتے ہیں۔
برانڈ (ابیل) اونٹ کی اون اور کھال سے کپڑے، ہاتھ سے بنے تھیلے اور جوتے بناتا ہے۔
اونٹ کی کھال کو مگرمچھ کی کھال کے بعد سب سے مضبوط اور پائیدار کھال سمجھا جاتا ہے۔
سعودی عرب کے وژن 2030 کے تحت اونٹوں کی صنعت ملک کے بڑے غیر تیل آمدنی کے ذرائع میں سے ایک بن جائے گی۔ آمدنی کے علاوہ، تاریخ، مذہبی روایات اور رسوم و رواج کا احساس بھی ہے جو سعودیوں کو منافع اور فخر دونوں لاتے ہیں۔
سعودی عرب: اونٹوں کے مقابلہ حسن میں 'بوٹوکس' کے استعمال کے باعث کم از کم 40 اونٹ نااہلاونٹوں کی دوڑ: سعودی ثقافت کا حصہ وہ کھیل جس میں انعامی رقم لاکھوں ریال تک ہوتی ہےبلوچستان: موٹروے پولیس سے ’منظور شدہ‘ اونٹگاؤں گاؤں جا کر بچوں میں کتابیں تقسیم کرنے والی ’اونٹ لائبریری‘محمد بن سلمان کا وژن 2030: مستقبل کے جدید شہر کے بعد دنیا کے سب سے بڑے ایئرپورٹ کی تعمیر کا منصوبہ کیا ہے؟سعودی عرب کا تیل کے کنویں پر ہوٹل اور صحرا میں شہر بسانے کا خواب کب پورا ہوگا؟