برطانوی شہزادے ہیری نے اپنی اہلیہ کے لیے ملازمت مانگ لی

بول نیوز  |  Jan 12, 2020

برطانوی شہزادے ہیری نے اپنی اہلیہ کے لیے ملازمت مانگ لی  ہے۔

تفصیلات کے مطابق برطانوی شہزادے ہیری نے ڈزنی کے سی ای او باب آئیگر سے میگھن مرکل کے لیے ملازمت مانگی ہے۔

شہزادہ ہیری نے مشہور ہالی ووڈ فلم لائن کنگ کے پریمئر کے موقع پر میگھن مرکل کے لیے ڈزنی سی ای او باب آئیگر سے وائس اوور کی ملازمت کا سوال کیا۔

شہزادہ ہیری نے اپنی اہلیہ میگھن مرکل کے لیے ڈبنگ کی ملازمت مانگی ہے۔

ویڈیو میں دیکھا اور سنا جاسکتا ہے کہ شہزادہ ہیری کہہ رہے ہیں کہ میری اہلیہ کو کام چاہیے۔

خیال رہے شہزادہ ہیری کی اہلیہ میگھن مرکل نے چیریٹی کے لیے امداد کے بدلے میں ڈزنی کے ساتھ وائس اوور کی ڈیل کرلی ہے۔

چند روز قبل شہزادہ ہیری اور ان کی اہلیہ میگھن مرکل نے شاہی خاندان کے سینیئر فرد کی حیثیت سے دستبرداری کا اعلان کیا تھا اور دونوں برطانیہ سے کینیڈا منتقل ہو گئے ہیں۔

ملکہ برطانیہ نےشہزادہ ہیری کوفون کردیا

شہزادہ ہیری کے فیصلے کے بعد برطانوی شاہی خاندان میں پھوٹ پڑنے کی خبریں زیر گردش ہیں اور اس حوالے سے برطانوی شاہی خاندان نے ایک اہم اجلاس بھی طلب کر لیا ہے۔

میڈیا رپورٹس کے مطابق ملکہ برطانیہ کو علم ہونےسے پہلے ہی لیڈی ڈیانا کے دوست ایلٹن جان کو شہزادہ ہیری کےارادوں کاعلم تھا۔

واضح رہے کہ میگھن مارکل نے ہیلری کلنٹن سے فاونڈیشن کے قیام سے متعلق مشورہ لیا تھا جب کہ میگھن مارکل شوبز کی دنیا میں واپس آنےکا بھی ارادہ رکھتی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More