ساؤتھمپٹن ٹیسٹ میں لوکل امپائرز کا تجربہ ناکام، ریویو سسٹم کام آگیا

نوائے وقت  |  Jul 11, 2020

 ساؤتھمپٹن ٹیسٹ میں لوکل امپائرز کا تجربہ ناکام ثابت ہونے لگا،البتہ ریویو سسٹم کام آگیا، ابتدائی دو دن میں رچرڈکیٹل برو3 اور رچرڈالنگورتھ 2غلط فیصلوں کے مرتکب ہوئے،ناقدین طنز کرتے ہوئے درست ریویو لینے والے مہمان کپتان جیسن ہولڈر کو ہی بطورامپائر کھڑا کرنے کا مطالبہ کرتے رہے۔ تفصیلات کے مطابق کورونا وائرس کی وجہ سے پیدا شدہ صورتحال میں آئی سی سی گائیڈ لائنز میں مقامی امپائرز کے تقررکی حوصلہ افزائی ہوئی تھی، ساؤتھمپٹن ٹیسٹ میں انگلینڈ کے دونوں امپائرز رچرڈ النگورتھ اور رچرڈ کیٹل برو ذمہ داریاں نبھا رہے ہیں، میزبان ٹیم کی بولنگ کے دوران امپائرنگ پر انگلیاں اٹھائی گئی ہیں، مہمان کپتان جیسن ہولڈر نے رچرڈ کیٹل برو کے 3 فیصلوں کیخلاف ریویو لیا اور تینوں بار درست ثابت ہوئے، شینن گبریل نے روری برنز کو 30 پر ایل بی ڈبلیو کیا تو امپائر ٹس سے مس نہ ہوئے، جیسن ہولڈر نے ریویو کا سہارا لیتے ہوئے انکو غلط ثابت کر دیا۔کپتان نے خود زاک کرولی کو 10 پر ایل بی ڈبلیو کیا تب بھی رچرڈ کیٹل برو نے انگلی کھڑی نہیں کی، یہ فیصلہ بھی ریویو پر تبدیل ہوگیا، میزبان امپائر تیسری بار بھی غلط ثابت ہوئے، جیسن ہولڈر نے جوفرا آرچر کو کھاتہ کھولنے سے قبل ایل بی ڈبلیو کیا تو انکو ایک بار پھر تھرڈ امپائر سے رجوع کرکے وکٹ حاصل ہوئی،بعد ازاں ویسٹ انڈیز کی اننگز میں جیمز اینڈرسن کی گیندوں پر جان کیمبل کو 12 اور 24 پر ایل بی ڈبلیو کے فیصلے غلط ثابت ہوئے،رچرڈ النگورتھ کو سبکی اٹھانا پڑی،میزبان امپائرز کا چھٹا ایل بی ڈبلیو فیصلہ درست ثابت ہوا جب النگورتھ نے جان کیمبل کو آؤٹ قرار دیا۔اس بار ریویو بے کار گیا، عام طور پر قابل بھروسہ امپائرز میں شمار کیے جانے والے رچرڈ کیٹل برو اور رچرڈ النگورتھ کی جانب سے سنگین غلطیوں پر سخت تنقید کا سلسلہ شروع ہوگیا ہے، مبصرین اور ناقدین کی جانب سے سوشل میڈیا پر پیغامات جاری کیے گئے کہ بائیو سیکیور ماحول میں ہونیوالے میچز میں کورونا کلیئرنس کے بعد نیوٹرل امپائرز کو خدمات کیلیے متعین کیا جاتا تو بہتر ہوتا، چند ایک نے تو طنز کرتے ہوئے یہ تک کہہ دیا کہ درست فیصلے کرنیوالے جیسن ہولڈر کو ہی ایک امپائر کی جگہ پر کھڑا کر دیا جائے، چند صارفین نے ایک امپائر ویسٹ انڈیز سے بلانے کا مطالبہ کر دیا۔ سکھر،دعا چوک کے قریب پولیس مقابلہ ایک ملزم زخمی حالت میں گرفتار

سکھر،دعا چوک کے قریب پولیس مقابلہ ایک ملزم زخمی حالت میں گرفتار

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More