پی آئی اے: برطانیہ اور یورپ کیلیے متبادل فضائی آپریشن،بحالی کی طرف گامزن

ہم نیوز  |  Aug 12, 2020

اسلام آباد: برطانیہ اور یورپ کے لیے قومی ایئرلائن پی آئی اے کا متبادل فضائی آپریشن، بحالی کی طرف گامزن ہے۔

ہم نیوز نے ذمہ دار ذرائع سے بتایا ہے کہ پی آئی اے چارٹرڈ پروازوں کے ذریعے برطانیہ اور پیرس کے لیے پروازیں آپریٹ کرے گی۔

ذرائع کے مطابق پی آئی اے کی فرانس میں جی ایس اے کے تعاوَن سے چارٹرڈ پروازیں چلائی جارہی ہیں۔

ہم نیوز کو ذرائع نے بتایا ہے کہ پی آئی اے 14 اگست سے برطانیہ کے لیے متبادل انتظامات کے تحت پروازیں آپریٹ کرے گی۔

اس ضمن میں پی آئی اے کے ترجمان کا کہنا ہے کہ پیرس کے لیے بھی پی آئی اے کی دو خصوصی پروازوں کا شیڈول جاری کیا گیا ہے۔

پی آئی اے کے جاری کردہ شیڈول کے تحت 15 اگست کو پیرس سے اسلام آباد اور 16 اگست کو اسلام آباد سے پیرس کے لیے پروازیں اڑان بھریں گی۔

ہم نیوز کے مطابق پی اائی اے کے ترجمان کا کہنا ہے کہ پیرس سے اسلام آباد کی دوسری پرواز 29 اگست اور اسلام آباد سے پیرس 30 اگست کو روانہ ہو گی۔

یورپی یونین: پی آئی اے کو اڑان بھرنے کی مشروط اجازت

قومی ایئرلائن پی آئی اے کے ترجمان کا کہنا ہے کہ یورپ اور برطانیہ کے لیے فضائی آپریشن کی بحالی کے لیے کوششیں کی جارہی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More