سرفراز احمد کی کپتانی میں بہت کچھ سیکھنے کو ملا ہے، بابر اعظم

بول نیوز  |  Nov 20, 2020

قومی کرکٹ ٹیم کے نئے کپتان بابر  اعظم کا کہنا ہے کہ  سابق کپتان سرفراز احمد کی کپتانی میں بہت کچھ سیکھنے کو ملا ہے۔

تفصیلات کے مطابق  کپتان قومی ٹیم بابر اعظم  کا پریس کانفرنس کرتے ہوئے کہنا تھا کہ   پاکستان ٹیم میں جب آیا تو دباؤ بہت تھا لیکن پھر  آہستہ آہستہ عادت ہوجاتی ہے اور بہتری آتی ہے۔

بابر اعظم نے کہا کہ سرفراز احمد کی کپتانی میں بہت کچھ سیکھنے کو ملا ہے۔ مستقبل میں بھی ضرورت پڑی تو اپنے سینئرز سے پوچھوں گا۔

انہوں نے کہا کہ  دباؤ ہر جگہ ہوتا ہے لیکن کارکردگی بہتر ہوتی ہے۔  اپنی بیٹنگ پر مزید محنت کررہا ہوں اور اچھی کرکٹ کھیلوں گا۔ بطور کپتان اپنی کارکردگی کو بہتر کروں گا۔

قومی کپتان نے کہا کہ  بیرون ممالک جاکر کھیلنا بھی ایک چیلنج ہوتا ہے ۔کسی بھی ملک میں جائیں  تو سنچری بنانا ٹارگٹ ہوتا ہے۔ کوشش کریں گے کہ بہترین کرکٹ کھیلیں۔

بابر اعظم نے کہا کہ قومی ٹیم بیک ٹو بیک کرکٹ کھیل رہی ہے اور نیوزی لینڈ کے خلاف ہماری ٹیم کا ریکارڈ اچھا ہے۔ ہماری ٹیم نے انگلینڈ میں بھی اچھی پرفارمنس دی تھی، نوجوان بالرز نسیم شاہ اور شاہین آفریدی نے بہترین باؤلنگ کی تھی۔

ان کا مزید کہنا تھا کہ  ٹیم میں کوئی گروپنگ نہیں ہوتی بلکہ پوری ٹیم ایک گروپ ہے۔تمام لڑکے ایک دوسرے کی کارکردگی پر خوش ہوتے ہیں،اپنی اچھی کارکردگی کو لے کر آگے چلیں گے۔

قومی کپتان نے کہا کہ کوئی بھی ٹیم مخالف ہو وہ آسان نہیں ہوتی۔ پی سی بی نے مجھے کپتانی میں پورا بیک اپ کیا ہے۔ کوشش ہے کہ نیوزی لینڈ کے خلاف بہترین کارکردگی دکھائیں۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More