پنجاب بھر میں میڈیکل اور ڈینٹل کالجز میں تدریسی سرگرمیاں معطل، سرکلر جاری

بول نیوز  |  Nov 25, 2020

ملک میں عالمی وبا کورونا کے تیزی سے کیسز سامنے آرہے ہیں، پنجاب میں کورونا کے باعث پنجاب بھر میں میڈیکل اور ڈینٹل کالجز میں تدریسی سرگرمیاں معطل رہیں گی۔

محکمہ صحت پنجاب کی جانب سے سرکلر جاری کیا گیا ہے جس کے میڈیکل اور ڈینٹل کالجز میں 26 نومبر سے 24 دسمبر تک آن کیمپس تعلیمی سرگرمیاں معطل رہیں گی۔ میڈیکل کالجز کے ہوسٹلز میں صرف ان طلبہ کو رکھنے کی اجازت ہوگی جنہیں انٹرنیٹ کے مسائل کا سامنا ہو۔

خیال رہے کہ پاکستان میں کورونا وائرس کے 3 ہزار 9 نئے کیسز رپورٹ اور مزید 59 افراد جان کی بازی ہار گئے ہیں۔

نیشنل کمانڈ اینڈ آپریشن سینٹر کے مطابق پاکستان میں ملک بھر میں کورونا سے متاثرہ افراد کی تعداد 3لاکھ 82 ہزار 892 ہوگئی ہے اموات کی مجموعی تعداد 7 ہزار803 ہے۔

ملک میں کورونا کے3 لاکھ32ہزار974 مریض صحتیاب ہوچکے ہیں اور 42ہزار 115 زیر علاج ہیں۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More